Halqy az aýyldardyń turǵyndaryn uıaly baılanyspen qamtýdyń kúni jaqyn
«Baılanys salasynda birqatar ózgerister josparlanyp otyr. Osy oraıda olardyń bireýine toqtalǵym keledi. Uıaly baılanys operatorlary jyl saıyn ózderiniń qyzmet kórsetetin aýmaǵyn keńeıtip keledi. Alaıda elimizde halqynyń sany az eldi mekender de bar jáne bul jerlerde birneshe júzdegen turǵyndar ómir súrýde»,-dep toqtaldy QR Aqparat jáne kommýnıkatsııalar mınıstri Dáýren Abaev Facebook-tegi paraqshasynda Parlament qaraýyna engizilgen zań jobasynyń normalaryn túsindirýge arnalǵan vıdeoda.
Bul turǵyda mınıstr atalǵan shaǵyn aýyldarda operatorlarǵa qyzmet kórsetý tıimsiz ekenin aıta kele, alaıda memleket aldynda aýyl turǵyndary úshin básekelestik tańdaýdy usyna otyryp, uıaly baılanys qyzmetterin paıdalaný múmkindigin jasaý maqsaty turǵanyn jetkizdi.
«Bul úderisti jyldamdatý úshin Qazaqstandaǵy tórt uıaly baılanys operatorlaryna bir stansany qoıý múmkindigin beremiz, ıaǵnı osy stansany birden birneshe operator paıdalana alady. Al ony ornalastyrý kezindegi shyǵyndardy operatorlar ózara sheshedi. Eń bastysy - zańnamalyq turǵyda operatorlarǵa jelilerdi birlese paıdalanýǵa jaǵdaı týǵyzý. Budan buryn olar osyndaı qadamdardy jasaı almaıtyn edi»,-dedi vedomstvo basshysy.