Halyqtyń tutynýshylyq kredıt boıynsha merzimi ótken bereshegi artyp barady

<p>2023 jyldyń 10 aıynda halyqtyń tutynýshylyq kredıt boıynsha merzimi ótken bereshegi 18 paıyzǵa jýyq artqan. Bul týraly Senat tóraǵasy Máýlen Áshimbaev málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aıta keterligi, Senattyń jalpy otyrysynda «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine sonymen birge, «Salyq jáne bıýdjetke tólenetin basqa da mindetti tólemder týraly» Kodeksin qoldanysqa engizý týraly» Zańyna ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine salyq salý máseleleri boıynsha, ózgerister men tolyqtyrýlar engizý týraly» Zańdar talqylanǵan edi.

Máýlen Áshimbaevtiń atap ótýinshe, bul zań zaemshylardyń jáne keıbir kredıtorlardyń jaýapsyz is-áreketterin yntalandyrý retinde qabyldanbaýy tıis. ıAǵnı, bul adamdardy munan ary da kredıt alýǵa jáne ony qaıtarmaı, keıin esepten shyǵarýǵa yntaladyrý degendi bildirmeıdi.

«Biz bul máseleni birinshi ret kóterip otyrǵanymyz joq. Sońǵy derekterdi qaradyq. Osy jyldyń 10 aıynda halyqtyń tutynýshylyq kredıtteri boıynsha merzimi ótken bereshekteri 18 paıyzǵa jýyq artqan. Jyl basynda ǵana bul jaıynda aıtqan sııaqty edik. Biraq, soǵan qaramastan merzimi ótken bereshek, jalpy halyqtyń kredıt alýy artyp keledi. Jyl saıyn halyqtyń zaım somasy, eń aldymen tutynýshylyq kredıt 30 paıyzǵa artady. ıAǵnı, biz qandaı tendentsııany kórip otyrmyz? Tutynýshylyq kredıt te, qaıtarylmaıtyn kredıt bóligi de ósip barady. Qazir qabyldaǵan normalar arqyly esepten shyǵarýǵa jáne bireýlerge kómek kórsetýge tyrysamyz. Biraq, bul memleket mundaı belsendilikti únemi qoldaıdy jáne kredıttiń qaıtarylmaýyn yntalandyr dep qabyldanbaýy tıis», - dedi Senat spıkeri.