Halyqtyń ómir súrý sapasyn jaqsartý – basty mindet

<p>Memleket basshysy 2021 jylǵy Joldaýynda Úkimetke aldaǵy bes jylda halyqty 100 paıyz taza aýyz sýmen qamtamasyz etýdi tapsyrǵan bolatyn. Sońǵy eki jylda Qyzylorda oblysynda turǵyndardyń ortalyqtandyrylǵan taza aýyz sýmen qamtylý kórsetkishi 98,1 paıyzǵa jetti, dep habarlaıdy <a href="https://kaz.inform.kz/" target="_blank" rel="noopener">Kazinform </a>oblys ákimdiginiń baspasóz qyzmetine silteme jasap.&nbsp;</p>

Búginde aımaqtaǵy 230 aýyldyń 198-i aýyzsý júıesine qosylǵan. Qalǵan 32 aýylda 8 myńnan astam adam qonystanǵan. 32 eldi mekenge qatysty kezeńdik jospar jasalyp, jumystar júrgizilýde. Respýblıkalyq bıýdjetten 8 eldi mekenge sý jelisin tartý jáne jergilikti bıýdjetten 24 eldi mekenge sý tuşytqysh qondyrǵylar ornatý josparlanyp otyr.

Budan bólek, osy jyly aımaqty jappaı gazdandyrý boıynsha júıeli jumystar atqaryldy. Shalǵaı ornalasqan eldi mekenderge gaz jelileri tartylyp, tabıǵı gazǵa qosyldy. Osynyń nátıjesinde
12 aýyldyq eldi meken, ıaǵnı 40 myńnan astam turǵynnyń gaz máselesi sheshilip, ıgiligin kórýde. Osylaısha, óńirde gazben qamtý kórsetkishi 75 paıyzǵa jetti. Sondaı-aq, osy jyly 26 gazben jabdyqtaý jobasyna 9,3 mlrd teńge bólindi.

Foto: Qyzylorda oblysynyń ákimdigi

Keler jyly 4 mlrd teńgege 12 eldi meken kógildir otynǵa qosylyp, gazdandyrylý deńgeıi 78 paıyzǵa jetkiziledi.