Halyqtyń áleýmettik jaǵdaıyn jaqsartý úshin 37 jobany bastadyq – mınıstr

<p>QR Eńbek jáne halyqty áleýmettik qorǵaý mınıstri Svetlana Jaqypova ózi basqaratyn mınıstrlikte ne ózgertkisi keletinin aıtyp berdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Áleýmettik kodekske kóp ózgerister daıyndap otyrmyz. Qazaqstandyqtardyń áleýmettik jaǵdaıyn jaqsartý úshin 37 joba iske asyrýdamyz. Birinshiden múgedektigi bar azamattardyń jaǵdaıyn jaqsartý jáne quqyqtaryn qorǵaý. Áleýmettik mekemelerdiń jumysynda biraz narazylyq boldy. Sol baǵyttarda jumys isteımiz», - dedi mınıstr Jibek joly telearnasynyń «Ýáde» baǵdarlamasynda.

Sonymen birge, S. Jaqypova mınıstrlikte ne ózgertkisi keletinin aıtyp berdi.

«Mınıstrliktiń ishindegi óz áripteterimniń kózqarasyn ózgertkim keledi. Qazir mınıstrlikte kóp júıeli problemalar bar. Halyq jaǵdaıyn jaqsartqysy keletin 37 jobany kórsetkende, keı áriptesterimizdiń ózi senimsiz qaraıdy. Mundaǵy ár joba ár qazaqstandyqtyń ómir súrý sapasyn arttyrady. Tek qana meniń pikirim emes, basqa áriptesterimniń de pikiri solaı. Biz kez kelgen qıyn jaǵdaıda sheshim qabyldaımyz. Sol sheshimder erteńgi kúni azamattarǵa múldem basqasha áser etedi. Bizdiń salada mıkromodeldeý, aktýaldy esepter jasalmaǵan. Sondyqtan, salyq júıesin, ekonomıka júıesin kelistirip, arnaıy model jasaýymyz kerek. Sonda bir sheshimdi qabyldaý úshin bir ózgeristi engizgende 30 jylda qandaı jaǵdaı bolatynyn kórsetetin júıe bolady», - dep túsindirdi Eńbek mınıstri.

Buǵan deıin S. Jaqypova Qazaqstanda bıyl óndiristik qaýipsizdiktiń saqtalmaýynan 221 adam kóz jumǵanyn aıtqan edi.

Sondaı-aq, spıker eńbek ınspektorlary jumysynyń tıimdiligin arttyrý joldaryn aıtty.