Qazaqstandyqtarǵa kredıt almaýǵa kómektesetin keńseler ashylady

<p>Premer-Mınıstrdiń orynbasary &ndash; qarjy mınıstri Erulan Jamaýbaev &laquo;Qaryzsyz qoǵam&raquo; jobasyn júzege asyrý máselesi boıynsha keńes ótkizdi.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://primeminister.kz/kz/news/karyzsyz-kogam-barlyk-onirlerde-zhobalyk-kenseler-ashylady-25911" target="_blank" rel="noopener">primeminister.kz</a>&nbsp;saıtyna silteme jasap habarlaıdy.</p>

Joba aıasynda keńseler ashylady:

• barlyq oblys ortalyqtarynda;
• respýblıkalyq mańyzy bar qalalarda.
• Ortalyq keńse Astana qalasynda ornalasady.

Atalǵan alańdarda konsýltatıvtik-keńesshi toptar qurylady, olardyń quramyna qarjy boıynsha táýelsiz keńesshiler, Qarjy naryǵyn retteý jáne damytý agenttiginiń ókilderi jáne jeke sot oryndaýshylary kiredi.

Jobalyq keńselerdiń maqsaty:

• azamattarǵa bankter men shaǵyn qarjy uıymdary aldyndaǵy merzimi ótken bereshekterdi retteý boıynsha keńes berý;
• bıznesti josparlaýǵa kómek kórsetý;
• jumysqa ornalasýǵa járdem berý;
• mektepterdiń, kolledjderdiń jáne joǵary oqý oryndarynyń oqytýshylaryn qarjy jáne quqyq saýattylyǵyna úıretetin oqý-ádistemelik materıaldardy ázirleý jáne mamandardy daıarlaý.

Usynylǵan málimetke súıensek, halyqtyń odan ári qaryz alýyna jol bermeý, boryshtyq júktemeniń ósýin shekteý, qarjy naryǵyndaǵy alaıaqtyq faktilerin azaıtý, atqarýshylyq is júrgizýdi jetildirý jáne tutynýshylardyń quqyqtaryn qorǵaýdy kúsheıtý úshin zańnamany odan ári jetildirý arqyly júıeli sharalar qabyldanatyn bolady.

«Qazaqstan Respýblıkasy azamattarynyń tólem qabilettiligin jáne bankrottyqty qalpyna keltirý týraly» Zańy aıasynda osy jyldyń 3 naýryzy men 11 qazany aralyǵynda qazaqstandyqtardan sottan tys bankrottyqqa 68,3 myń ótinish túsken. Olardyń 55,2 myńy boıynsha azamattar 1414 nómirine SMS habarlama jiberý arqyly osy tártipti qoldanýdan bas tartý týraly habarlama aldy.

5,7 myń azamatqa qatysty sottan tys bankrottyq rásimi júrgizilip jatyr, 1,2 myń ótinish qaralýda. 5,2 myń azamat bankrot dep tanylyp, olardyń jalpy bereshegi 8 mlrd teńgeden asty.

Eske sala keteıik, Memleket basshysy bıylǵy 1 qyrkúıektegi Qazaqstan halqyna Joldaýynda «Qaryzsyz qoǵam» jobasynyń mańyzdylyǵyn jáne ony elimizdiń barlyq aımaǵynda keńeıtý qajettigin atap ótken bolatyn. «Qaryzsyz qoǵam» jobasynyń maqsaty – azamattarǵa qarjylyq jáne quqyqtyq bilikti kómek kórsetý, halyqtyń qarjylyq saýattylyǵyn arttyrý, azamattardyń banktik nesıeler men shaǵyn nesıeler boıynsha problemalyq qaryzdaryn sheshýge kómektesý.