Halyqaralyq jasyl tehnologııalar ortalyǵynyń basqarma tóraǵasy 9 jylǵa sottaldy

<p>ASTANA. KAZINFORM - &laquo;Halyqaralyq jasyl tehnologııalar jáne ınvestıtsııalyq jobalar ortalyǵy&raquo; KEAQ Basqarma tóraǵasy 9 jylǵa bas bostandyǵynan aıyryldy, dep habarlaıdy QR Sybaılas jemqorlyqqa qarsy is-qımyl agentiginiń baspasóz qyzmeti.&nbsp;</p>

Aǵymdaǵy jyldyń 2 tamyzynda Astana qalasynyń qylmystyq ister jónindegi mamandandyrylǵan aýdanaralyq soty «Halyqaralyq jasyl tehnologııalar jáne ınvestıtsııalyq jobalar ortalyǵy» KEAQ burynǵy basqarma tóraǵasy O. Aǵabekovke qatysty úkim shyǵardy.

Ol «QazMunaıGaz «UK» AQ-nyń Dýbaı qalasynda (BAÁ) ekologııalyq is-sharany uıymdastyrý kezinde jalpy somasy 121,6 mln teńgege aqsha qarajatyn jymqyrǵany, kómirtegi birlikterin satyp alý-satý shartyn tirkeýge járdemdeskeni úshin kásipkerden 35 mln teńge mólsherinde para alǵany, sondaı-aq jalpy somasy 8,2 mln teńgege basshy quramǵa zańsyz syıaqy bergeni úshin sottaldy.

Aǵabekovke memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıy aıyra otyryp, 9 jyl bas bostandyǵynan aıyrý jazasy taǵaıyndaldy.

Úkim zańdy kúshine engen joq.

Sybaılas jemqorlyqqa qarsy qyzmettiń usynysy boıynsha ekologııa jáne tabıǵı resýrstar vıtse-mınıstri tolyq emes qyzmettik sáıkestik túrinde tártiptik jaýapkershilikke tartyldy.