Halyqaralyq izdeýde júrgen qazaqstandyq Koreıadan elge jetkizildi

<p>ASTANA. KAZINFORM &ndash; Іzdeý salynǵan Qazaqstan azamaty Ońtústik Koreıada ustaldy. Bul týraly Sybaılas jemqorlyqqa qarsy is-qımyl agenttigi tóraǵasynyń kómekshisi, resmı ókil Danııar Bıgaıdarov málim etti.&nbsp;</p>

«Bas prokýratýramen birlesip, Syrtqy ister mınıstrliginiń jáne Іshki ister mınıstrligi Interpoldyń qoldaýymen halyqaralyq izdeýde júrgen kúdikti J. Ońtústik Koreıa Respýblıkasynan Qazaqstanǵa jetkizildi. Ol járdemdesý, qylmysty arandatý jáne psıhotroptyq zattarmen zańsyz qarym-qatynas jasady dep kúdikke ilindi (QR QK 28-baby 5-bóligi, 296-baby 4-bóligi jáne 412-1-baby 3-bóligi 1-tarmaǵy).

Resmı ókildiń aıtýynsha, kúdikti 2022 jyly Túrkistan oblysy polıtsııa qyzmetkerlerimen sóz baılasyp, jergilikti turǵyndy belgisiz adamdarǵa «Mefedron» psıhotroptyq zatyn satyp alýǵa kóndirgen. Ol 29 naýryzda Almaty qalasynyń tergeý ızolıatoryna qamaldy.