Halyqaralyq izdeý jarııalanǵan Dáýrenbek Qojabaev ustaldy

<p>ASTANA. KAZINFORM &mdash; Antıkor basshysynyń burynǵy orynbasary Maqsat Qojabaevtyń inisi, halyqaralyq izdeýde júrgen Dáýrenbek Qojabaev ustaldy.&nbsp;</p>

— Shymkent qalalyq sybaılas jemqorlyqqa qarsy is-qımyl departamenti bastyǵynyń burynǵy orynbasary Ulttyq qaýipsizdik komıteti men jemqorlyqpen kúres qyzmetkerleriniń úılesimdi is-qımylynyń arqasynda ustalyp, tergeý ızolıatoryna qamaldy, — dep atap ótti Sybaılas jemqorlyqqa qarsy is-qımyl agenttiginen.

46 jastaǵy kúdikti iri kólemde para aldy degen kúdikke ilinip, izdeý jarııalanǵan edi. Ol Shymkent qalasyndaǵy mektepterdiń biriniń dırektoryn qylmystyq jaýapkershilikten bosatqany úshin para alǵan bolýy múmkin. Tergeý barysynda Qojabaevtyń qaıda ekenin aıtqan adamǵa syıaqy jarııalanyp, esimi qupııa bolatynan kepildik berildi.

Esterińizge sala ketsek, byltyr aǵasy Maqsat Qojabaev para alǵany úshin 5,5 jylǵa bas bostandyǵynan aıryldy.