Halyqaralyq izdeý jarııalanǵan Beıbit Shúmenovke qatysty tergeý toqtap tur

<p>Іshki ister mınıstrligi Beıbit Shúmenovtiń áli izdeýde ekenin málimdedi. Sondaı-aq kúdiktige qatysty sotqa deıingi tergeý merzimi QR Qylmystyq-protsestik kodekstiń 45-baby, 7-tarmaǵy, 3-tarmaqshasy negizinde toqtap tur, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Atalǵan fakti negizinde bıyl shilde aıynda Astana qalasy Esil aýdany polıtsııa basqarmasy Qylmystyq kodekstiń 293-baby, 1 bólimi boıynsha sotqa deıingi tergeý júrgizdi. Shilde aıynyń 12 kúni atalǵan adamdy kúdikti dep tanyp, onyń is-áreketin QR Qylmystyq kodeksiniń 293-baby, 2-bólim, 2-tarmaqshasy boıynsha baǵalaý jóninde arnaıy qaýly shyǵaryldy», - delingen Kazinform agenttiginiń resmı saýalyna berilgen jaýapta.

Keıin Astana qalasy mamandandyrylǵan aýdanaralyq soty kúdiktini qamaýǵa alý sharasyn sanktsııalady.

Shilde aıynyń sońynda kúdiktige halyqaralyq izdeý jarııalandy.

«28 tamyzda kúdiktige qatysty sotqa deıingi tergeý merzimi QR Qylmystyq-protsestik kodekstiń 45-baby, 7-tarmaǵy, 3-tarmaqshasy negizinde toqtatyldy», - deıdi mınıstrlikten.

Odan bólek, ІІM baspasóz qyzmetiniń qyzmetkeri: «Beıbit Shúmenovti izdeý toqtatylǵan joq, ony ustaǵanǵa deıin is júrgizý toqtap tur», - dep tolyqtyrdy.

Eske salaıyq, bıyl shildede qazaqstandyq boksshy Beıbit Shúmenov kópshilik orynda balasy bar er adamǵa judyryq ala júgirgen edi. 

Sodan soń Beıbit Shúmenov dámhanadaǵy oqıǵanyń qalaı bolǵanyn aıtyp berdi. 

Keıin oǵan halyqaralyq izdeý jarııalandy.