Halyqaralyq valıýta qory jahandyq ekonomıkaǵa qatysty boljamyn jaqsartty

<p>ASTANA. KAZINFORM &ndash; Halyqaralyq valıýta qorynyń jańa boljamyna sáıkes, álemdik ekonomıka bıyl 3,1 paıyzǵa ósedi, dep habarlaıdy &laquo;<a href="https://www.golosameriki.com/a/imf-improves/7464506.html" target="_blank" rel="noopener">Amerıka daýysy</a>&raquo;.</p>

HVQ AQSh ekonomıkasyndaǵy ilgerilemeli ósimniń jalǵasýy jáne ınflıatsııanyń baıaýlaýyn boljap, jahandyq ekonomıkaǵa qatysty bıylǵy boljamyn jańartty. Jańa boljam boıynsha, álemdik ekonomıka bıyl 3,1%-ǵa ósedi.

2024 jylǵa arnalǵan boljam qazan aıynda jarııalanǵan aldyńǵy boljamǵa qaraǵanda (ol kezde 2,9%-dy quraǵan) jaqsardy.

HVQ, sondaı-aq, jahandyq ınflıatsııa 2023 jyly 6,8%-dan 2024 jyly 5,8%-ǵa jáne 2025 jyly 4,4%-ǵa deıin tómendeıdi dep esepteıdi.

Qor boljamynsha, álemniń eń jaqsy damyǵan elderinde ınflıatsııa bıylǵy jyly 2,6%-ǵa, al bolashaqta 2%-ǵa deıin tómendeıdi, bul AQSh Federaldyq qor júıesiniń maqsattaryna sáıkes keledi.