Halyqaralyq týrnır: «Qaırat» alǵashqy jeńisine jetti

<p>ASTANA. KAZINFORM - Almatylyq &laquo;Qaırat&raquo; fýtbol komandasy RPL Qysqy kýbogyndaǵy ekinshi kezdesýin Reseıdiń &laquo;Rostov&raquo; komandasyna qarsy ótkizdi.</p>

Kezdesý barysynda komandalar bir-biriniń qaqpasynan jyldam gol salýǵa tyrysty.

Oıynnyń 30-mınýtynda almatylyq klýbtan Joao Paolo esep ashsa, Georgıı Zarııa 61-mınýtta esepti ústemeleı tústi.

Oıynnyń núktesin 95-mınýtta «Rostov» shabýylshysy Nıkolaı Komlıchenko qoıdy.

Osylaısha, «Qaırat» qarsylasynan 2:1 esebimen basym túsip, týrnırdegi alǵashqy jeńisin toılady.

Endi almatylyq klýb 14 aqpanda Reseıdiń «Spartak» (Máskeý) komandasymen kezdesedi.

Alǵashqy oıynda almatylyq klýb BAÁ-niń «Shabab Al-Ahlı» komandasyna 0:2 esebimen jol bergen bolatyn.

Qazir týrnır kestesinde úsh oıynnan keıin alty upaı jınaǵan «Rostov» kósh bastap tur.

Al «Spartak» eki oıynnan úsh upaıdy enshisine baılap, ekinshi orynda keledi. Odan keıingi oryndardaǵy «Shabab Al-Ahlı» men «Qaırat» ta úsh upaıdy qorjynǵa salǵan.

Tórt komanda toptyq kezeńde bir-birimen kezdesedi. Topta birinshi oryn alǵan ujym týrnırdiń jeńimpazy ataǵyna ıe bolady.