Halyqaralyq stýdentter kúnine arnalǵan pikirsaıys týrnıri ótti
BQO qoǵamdyq damý basqarmasynyń qoldaýymen uıymdastyrylǵan atalmysh is-sharanyń maqsaty – oblys jastary arasynda pikirsaıys deńgeıin kóterý, sheshendik óner jáne kópshilik aldynda sóıleý mádenıeti qalyptasqan talantty jastardy anyqtaý, olardy yntalandyrý, óńir jastaryn synı turǵyda jan-jaqty oılaı bilýge baýlý, respýblıkalyq pikirsaıys týrnırlerine úzdikterdi anyqtap, daıyndaý.
Qazaq jáne orys lıgasyna joǵary oqý oryndary men kolledj stýdentterinen, mektep oqýshylary men óńirdegi aýdan jastarynan 27 fraktsııa boıynsha 54 spıker tirkelip, qatysty.
Pikirsaıys týrnıri «BPF», «APF», «LD» formattary boıynsha jastar arasyndaǵy ózekti máseleler talqylandy. Týrnırge qatysýshylar «Halyqaralyq stýdentter kúni merekesin atap ótýdiń tıimdi mehanızmin usynady», «Memleket áleýmettik jelini óz qadaǵalaýyna alǵany durys», «Álem nashaqorlyqpen kúreste jeńilýde», «Jemqorlyqpen kúres jolynda álemdik memleketterdiń eń úzdik tájirıbesin kórsetedi», «Qoǵamdy azartty oıyndardan alystatýdyń tıimdi jolyn usynady», «QR jastarynyń ult jandylyǵyn arttyrýdyń eń basty jolyn kórsetedi» taqyryptary boıynsha óz oılaryn ortaǵa salyp, ózindik kózqarastary men usynystaryn jetkizdi.
Oblystyq ashyq pikirsaıys týrnırinde A.Maqsotov, E.Jalmuqan, A.Baqytjanova, G.Saıynova, S.Bókenbaeva, Z.Bozova syndy respýblıkalyq deńgeıdegi pikirsaıysshy jastar tóreshilik qyzmet atqardy.
Tartysty ótken týrnır qorytyndysy boıynsha qazaq lıgasynan joǵarǵy spıkerlik upaı jınap, «LD» formaty boıynsha ozyq nátıje kórsetken A.Nurlan «Úzdik spıker» atalymyna ıe bolsa, A.Maqsotov «Úzdik tóreshi» atalymymen marapattaldy. «Maksımým» fraktsııasynyń spıkerleri J.Sılıhanova, A.Maılıshov jeńis tuǵyryna kóterilse, «Jantalas» fraktsııasynyń spıkerleri A.Esbolqyzy, N.Kárim ekinshi, «14» fraktsııasynyń spıkerleri D.Talapova, A.Shırmedın úshinshi oryndy ıelendi.
Orys lıgasy boıynsha D.Kemeshov «Úzdik spıker», N.Baýyrjan «Úzdik tóreshi» atalymyna laıyq dep tanyldy. Orys lıgasy boıynsha «Do nasheı ery» fraktsııasynyń oıynshylary D.Kemeshov, M.Janbolatova týrnır jeńimpazy atansa, «Oıan, qazaq» fraktsııasynyń spıkerleri B.Kenjebaev, M.Amanǵalıev ekinshi, «Elıta» fraktsııasynyń pikirsaıysshylary S.Atalyqov, D,Beısov úshinshi satydan kórindi.
Týrnırdiń barlyq jeńimpazdary men júldegerlerine, arnaıy atalym ıegerlerine baǵaly syılyqtar men arnaıy kýboktar, tóreshilerge estelik syılyqtar tabystaldy.