Halyqaralyq stýdentter kúni: 17 qarasha qalaı tarıhı dataǵa aınaldy

<p>ASTANA. QazAqparat - 17 qarasha - Halyqaralyq stýdentter kúni. Osy bir merekeniń shyǵý tarıhy aıtarlyqtaı qyzyqty da emes. Ol qandy ári qaıǵyly oqıǵaǵa baılanysty paıda bolǵanyn ekiniń biri bile bermeıdi.</p>

1939 jyly 28 qazan kúni fashıster basyp alǵan Chehoslovakııanyń stýdentteri men ustazdary Chehoslovakııa memleketiniń qurylǵanyna jıyrma bir jyl bolǵanyn atap ótý úshin sherýge shyqty (28.10.1918). Basqynshy bólimder sherýdi kúshpen basyp, sonymen birge medıtsına fakýltetiniń stýdenti ıAn Opletaldy atyp tastaıdy.

15 qarashadaǵy ıAn Opletaldy jerleý rásimi qaıtadan narazylyqqa ulasady. Sherýge shyqqandardyń kóbi qamaýǵa alynǵan. 17 qarashada gestaposhylar men esester stýdenttik jataqhanalardy qorshaýǵa alyp, 1200-den astam stýdent ustalyp, Zaksenhaýzendegi kontslagerlerge qamaldy. Stýdenttik qozǵalystyń toǵyz belsendi stýdenti Praganyń Rýzına aýdanynda túrme qabyrǵasynda sotsyz darǵa asyldy. Gıtlerdiń buıryǵymen Chehııadaǵy barlyq oqý oryndary soǵys aıaqtalǵanǵa deıin jabyldy.

1946 jyly 17 qarashada Pragada ótken chehııalyq stýdent-patrıottardyń qurmetine bolǵan Búkilálemdik stýdentter kongresinde Halyqaralyq stýdentter kúni belgilendi.

Mine, jalyndy jastyq shaqtyń merekesi - stýdentter kúniniń shyǵý tarıhy Ekinshi Dúnıejúzilik soǵys kezinde Chehoslovakııada osylaı bastalǵan. Odan beri talaı jyldyń júzi boldy. Tarıhy qandy oqıǵamen bastaý alǵan osy bir meıram qazirde álemniń túpkir-túpkirinde atalyp ótedi. Osylaısha zań jáne adam quqyǵyna ústemdik beretin memleketter qylyshynan qan tamǵan fashıstik júıeniń qurbany bolǵan on stýdenttiń rýhyna únsiz taǵzym etetindeı.