Halyqaralyq aıtysta Muhtar Nııazov bas júlde aldy

<p>ASTANA. KAZINFORM - Búgin Ózbekstannyń Naýaı qalasynda ótken Áıteke bıdiń 380 jyldyǵyna arnalǵan halyqaralyq aıtysta qyzylordalyq Muhtar Nııazov bas júlde aldy.</p>

Halyqaralyq aıtysqa Ózbekstan, Qyrǵyzstan, Mońǵolııa jáne Qazaqstannan barlyǵy on aqyn keldi. Olardyń arasynda 6-ýy elimizdiń namysyn qorǵap qaıtty.

Óleńmen órnektelgen sóz saıysynda Muhtar Nııazov daıyndyǵy joǵary ekenin kórsetti. Kópshilik aldynda júıeli oı, utymdy uıqasymen daralandy. Qazylar alqasy qyzylordalyq aıtyskerdi bas júldege laıyq dep tanydy.

M.Nııazov 1985 jyly Qyzylorda oblysy, Jalaǵash aýdanynda dúnıege kelgen. 2007 jyly Qorqyt Ata atyndaǵy Qyzylorda memlekettik ýnıversıtetiniń «Qazaq tili men ádebıeti» mamandyǵy, 2013 jyly «Memlekettik jáne jergilikti basqarý» mamandyǵy boıynsha bitirgen.

Eńbek jolyn 2009 jyly mádenıet salasynda qyzmet atqaryp keledi. Qazir N. Bekejanov atyndaǵy oblystyq qazaq akademııalyq mýzykalyq drama teatrynyń basshysy qyzmetin atqarady.

Eske salsaq, budan buryn Qyzylorda oblysynda «Jyraýlar úıi» ashyldy.