Halyqaralyq asyq atý federatsııasy ashyldy

<p>ASTANA. KAZINFORM &mdash; 18 naýryz kúni Astanada Kóshpendilerdiń asyq sporty halyqaralyq federatsııasy resmı túrde ashyldy. Atalǵan uıym 12 naýryzda Ádilet mınıstrliginen tirkeýden ótken bolatyn.</p>

QR Asyq atý federatsııasynyń baspasóz qyzmeti málim etkendeı, halyqaralyq federatsııanyń prezıdenti bolyp Parlament Májilisiniń depýtaty, «Respublica» partııasy fraktsııasynyń múshesi Oljas Quspekov saılandy.

Jańadan qurylǵan federatsııaǵa Qazaqstannan basqa, Túrkııa, Rýmynııa, Mońǵolııa, Qyrǵyzstan, Majarstan, Ózbekstan, Qytaı, Ispanııa jáne Saha respýblıkasy (Reseı) múshelikke ótinish berdi. Aldaǵy ýaqytta uıymǵa múshe elder sany arta túsetini sózsiz.

Federatsııa aldyna Dúnıejúzilik Etnosport qaýymdastyǵyna ený, 5-shi Dúnıejúzilik kóshpendiler oıyndaryna daıyndyq jumystaryn júrgizý jáne osy oıyn aıasynda tuńǵysh ret álem chempıonatyn ótkizý sekildi maqsattar qoıyp otyr.

«Respublica» partııasynyń keńsesinde ótken alǵashqy jıynda Ulttyq jáne at sporty túrleri ortalyǵynyń dırektory Baqdáýlet Sábıtov damytý boıynsha, asyq atýdan ulttyq quramanyń bas bapkeri Jomart Sabyrjanuly sport boıynsha jáne Túrkııa memleketinde asyq sportyn damytýǵa atsalysyp júrgen túrik azamaty Raýf Ózgen halyqaralyq baılanystar boıynsha vıtse-prezıdentter bolyp saılandy. Asyq atýdan memlekettik jattyqtyrýshy Jomart Orazov bas hatshy boldy.

Jańadan qurylǵan federatsııaǵa sáttilik tilep, ulttyq sportymyz endi álemge tanylady dep nyq senimmen aıta alamyz!