Halyq saılaǵan aýyl ákimi qyzmetinen nege ketti – Pavlodar oblysy ákiminiń jaýaby

<p>Pavlodar oblysyna qarasty Atameken kentiniń taıaýda ǵana halyq saılaǵan ákimi qyzmetinen óz erkimen ketýge ótinish jazdy. Bul týraly Pavlodar oblysynyń ákimi Asaıyn Baıhanov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Pavlodardyń dál janynda, 11 shaqyrym jerde Lenınsk, qazirgi Atameken kenti bar. Biraq, ataýy resmı túrde áli ózgergen joq. Qajetti sheshim qabyldandy. Sondyqtan jaqyn arada rásimder aıaqtalǵannan keıin ataýy resmı beriledi. Qazirgi ýaqytta resmı túrde Lenınsk kenti dep atalady. Rasynda da, ákim saılaýy tikeleı halyqtyń qatysýymen ótti. Keıbir ákimder qyzmetke basqa oımen keledi nemese halyqpen tikeleı jumys isteý, 24 saǵat baılanysta bolý, halyq únine qulaq asý, kótergen máselelerin sheshý jumystaryna shydamaı, ótinish jazyp, oryndaryn bosatady», – dedi óńir ákimi Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Atap ótýinshe, ákimderdiń qyzmetinen óz erkimen ketýi birinshi ret bolyp otyrǵan jaıt emes.

«Atameken kenti 11 myń halqy bar Pavlodar oblysyndaǵy úlken aýyldyń biri. Ákimi «mundaı rejımde, mundaı kestede jumys isteı almaımyn» dep óz erkimen ótinish  jazdy», – dedi Asaıyn Baıhanov.