Halyq sanynyń kóbeıýi memleketimizdiń damýyna qosymsha serpin beredi – Prezıdent

<p>Jastar qaýymynda kreatıvti ındýstrııa qarqyndy damyp kele jatyr. Bul týraly búgin elordada &laquo;Altyn sapa&raquo; jáne &laquo;Paryz&raquo; syılyqtarynyń jeńimpazdaryn marapattaý kezinde Memleket basshysy Qasym-Jomart Toqaev málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

«Jaqynda Qazaqstan halqynyń sany 20 mıllıonǵa jetti. Bul — tarıhı beles. Oǵan búkil el bolyp qýandyq. Halyq sanynyń kóbeıýi memleketimizdiń damýyna qosymsha serpin berip, elimizge abyroı ákeletinine esh kúmán joq. Sondyqtan bizdiń negizgi maqsatymyz — barsha jurtymyzdyń sapaly turmysyn qamtamasyz etý», — dedi Qasym-Jomart Toqaev.

Sonymen qatar Memleket basshysy byltyr elimizdegi ortasha ómir súrý uzaqtyǵy 74,4 jasqa jetkenin eske saldy.

«Bul — elimizdegi medıtsınalyq qyzmettiń sapasymen qatar, azamattardyń ál-aýqaty jaqsaryp jatyr degen sóz. Ult rýhanııaty da jańasha órken jaıyp keledi. Іri qalalarda, aýyl-aımaqtarda mádenı jańǵyrý baıqalýda. Mysaly, elimizdiń ár túkpirinde apta saıyn ondaǵan kontsert, spektakl qoıylady. Soǵan qaramastan jurt teatrǵa bılet tappaı jatady. Qoǵamymyzda, ásirese jastar qaýymynda kreatıvti ındýstrııa qarqyndy damyp kele jatyr. Bul — óte jaqsy úderis», — dedi Prezıdent.

Eske salsaq, 2023 jylǵy 14 qarashada Qazaqstan Respýblıkasy halqynyń sany 20 mıllıon adamǵa jetti.