Halyq partııasy nelikten Oljas Bektenovtiń kandıdatýrasyn qoldap daýys bermedi

<p>ASTANA. KAZINFORM &mdash; Májilistegi Qazaqstan Halyq partııasy fraktsııasynyń jetekshisi, depýtat Magerram Magerramov palatanyń jalpy otyrysynda jańa Premer-Mınıstrdiń kandıdatýrasyn kelisý kezinde fraktsııa músheleri ne sebepti qalys qalǵanyna túsinik berdi.&nbsp;</p>

«Ekonomıkalyq tabyssyz, ekonomıkalyq ósimsiz áleýmettik baǵdarlamalar tek izgi tilek kúıinde qalý qaýpi bar. Biz Úkimettiń jańa basshysyna ınvestıtsııalyq saıasatqa degen kózqarasty qaıta qaraýdy usynamyz, ıaǵnı tsıfrlyq kórsetkishterden túpkilikti nátıjeniń sapasy men tıimdiligine kóshetin ýaqyt jetti», — dedi Magerram Magerramov palatanyń jalpy otyrysynda. 

Onyń pikirinshe, baǵa — ekonomıkalyq saıasattyń mańyzdy bóligi sanalady. 

«Bizdiń oıymyzsha, baǵanyń qalyptasýy máselesiniń sheshilmeýi ekonomıkalyq reformany júzege asyrýdy aıtarlyqtaı qıyndatady. Azyq-túlik, taýar jáne qyzmetter baǵasynyń baqylaýsyz jáne negizsiz ósýi azamattarymyzǵa jalaqynyń kóterilýin, zeınetaqy men járdemaqynyń óskenin sezinýge múmkindik bermeıdi», — dep atap ótti depýtat. 

Bul turǵyda ol partııa fraktsııasy qandaı sheshimge kelgenin túsindirdi. 

«Qurmetti Qasym-Jomart Kemeluly, Qazaqstan Halyq partııasynyń fraktsııasy Premer-Mınıstr laýazymyna Oljas Bektenovtiń kandıdatýrasy boıynsha qalys qalý jóninde sheshim qabyldady. Qazaqstan Halyq partııasy fraktsııasynyń sheshimi — Úkimetke kózqarasty ózgertetin, jańa formalardy eski mazmunmen toltyrmaıtyn ýaqyt jetkeniniń belgisi. Jańa Premer-Mınıstrdiń naqty áreketterimen bizdiń kúmánimiz seıilmeıinshe bizdiń ustanymymyz osyndaı bolady», — dedi Magerram Magerramov.