«Halyq banktiń» Pavlodardaǵy bólimshesinen qansha dúnıe urlanǵanyn tergeý ǵana aıta alady – agenttik

<p>ASTANA. KAZINFORM &ndash; Qarjy naryǵyn retteý jáne damytý agenttiginiń ókilderi &laquo;Qazaqstan Halyq Banki&raquo; aktsıonerlik qoǵamynyń Pavlodar qalasyndaǵy bólimshesine ury túsý faktisi týraly pikir bildirdi.</p>

«Qazaqstan Halyq Banki» AQ aqparaty boıynsha qazirgi ýaqytta tájirıbeli mamandardy tarta otyryp, qyzmettik tergeý júrgizilýde, onyń nátıjeleri boıynsha keltirilgen zalaldyń mólsheri, mán-jaılary men bolǵan oqıǵanyń sebepteri aıqyndalatyn bolady», - dep jazylǵan Kazinform saýalyna joldaǵan jaýapta.

Agenttik tergeý qorytyndysy boıynsha Halyq banktiń ústinen den qoıý sharalaryn qoldanýy múmkin.

«Atalǵan banktiń Qazaqstan zańnamasyn saqtamaý faktileri anyqtalǵan jaǵdaıda agenttik óz quzyreti sheginde qadaǵalap den qoıý sharalaryn qoldaný múmkindigin qarastyratyn bolady», - delingen resmı málimette.

Eske salsaq, 11 qarasha kúni Pavlodar qalasyndaǵy «Halyq bank» bólimshesiniń ǵımaratyn polıtsııa qorshaýǵa alǵan bolatyn.