«Halyq bank» Pavlodardaǵy bólimshesiniń tonalýy týraly: Іshki sharalar atqarylyp jatyr

<p>ASTANA. KAZINFORM &mdash; &laquo;Qazaqstan Halyq banki&raquo; aktsıonerlik qoǵamynyń baspasóz qyzmeti Pavlodar qalasyndaǵy bólimshesine ury túsý faktisi boıynsha júrip jatqan tergeý týraly pikir bildirdi.</p>

«Tergeýdiń barysy men kelgen shyǵynnyń aldyn ala málimetin tergeý múddesine oraı asha almaımyz. Bank tergeý júrgizýshilermen barynsha tyǵyz árekette jumys istep jatyr jáne óz klıentterimen tikeleı baılanysta. Osy jaǵdaı boıynsha bank qyzmetkerleri tıisti tártip boıynsha búkil qajetti ishki sharalardy atqaryp jatyr», — dep jazylǵan málimette.

«Halyq bank» ókilderi naqtylaý suraǵyna bergen jaýabynda mundaǵy «ishki sharalar» degen oralymdy urlyq faktisinen kelgen shyǵyndardy esepteý jumystary dep túsindirdi. 

Buǵan deıin Qarjy naryǵyn retteý jáne damytý agenttigi de «Halyq bank» bólimshesindegi tym túsiniksiz urlyq faktisi týraly pikir bildirip, tergeý qorytyndysy boıynsha den qoıýǵa daıyn ekenderin aıtqan. 

Eske salsaq, 11 qarasha kúni Pavlodar qalasyndaǵy «Halyq bank» bólimshesiniń ǵımaratyn polıtsııa qorshaýǵa alǵan bolatyn.