Halıd Mashal HAMAS basshysy boldy

<p>ASTANA. KAZINFORM &ndash; Palestınalyq HAMAS qozǵalysynyń sheteldik ókildiginiń basshysy Halıd Mashal endi uıymǵa basshylyq etedi, dep habarlady&nbsp;<a href="https://www.trend.az/world/3958305.html" target="_blank" rel="noopener">Trend</a> Lıvandyq BAQ-qa silteme jasap.</p>

Aqparatqa sáıkes, bul Izraıl armııasy HAMAS saıası bıýrosynyń basshysy ıAhıa Sınvardy óltirgennen keıin bolǵan oqıǵa.

Habarlarǵa qaraǵanda, Halıd Mashal qozǵalystyń ýaqytsha basshysy qyzmetin atqaryp, qazir kepilge alynǵandardy bosatý jónindegi kelissózderge qatysqan negizgi taraptarmen barlyq baılanystarǵa jaýapty.

Aıta keteıik, buǵan deıin HAMAS kóshbasshysy ıAhıa Sınvar mert bolǵany týraly jazǵan edik. Izraıl sheneýnikteri men TsAHAL HAMAS kóshbasshysynyń kózi joıylǵany týraly aqparatty rastady.

AQSh Izraıl men HAMAS arasyndaǵy atysty toqtatý týraly kelisim 90% daıyn ekenin aıtty.