«Halaldyń» qadirin qashyryp alǵan joqpyz ba?» - respýblıkalyq basylymdarǵa sholý

ASTANA. 7 jeltoqsan. QazAqparat - Qazaq aqparat agenttigi respýblıkalyq basylymdarda 7 jeltoqsan, seısenbi kúni shyqqan ózekti materıaldarǵa sholýdy usynady.

***

Keshe Qazaqstan Táý­el­siz­diginiń 20 jyl­dy­ǵy­na ar­na­lyp Astana­da­ǵy Táý­elsizdik sa­raı­yn­da ótken ın­no­va­tsııa­lyq fo­rým aıasynda Prezıdenttik ınnovatsııalar klý­by­nyń tuńǵysh otyrysy ótti. Onda ınnovatsııa salasyn ilgeriletýdegi eń ózekti degen máseleler ortaǵa salyndy. Osy jıyn barysynda sóz alǵan Úkimet basshysy Kárim Másimov «Álemniń úlken elderi, batystyń damyǵan memleketteri, Qytaı men Reseı, Japonııa osy iste barǵan saıyn alǵa basyp, ózderiniń ınnovatsııalyq ónim­de­rin keńinen taratýǵa kóshti. Biz de onyń tek tutynýshysy bolyp qal­ǵymyz kelmeıdi. Sondyqtan El­ba­synyń tapsyrmasy boıynsha ınnovatsııalyq damý máselesine úlken kóńil bólý ústindemiz. Onyń alǵashqy nátıjelerin jańa men kórme jumysymen tanysqan kezinde baıqadym. Bular - bizdiń alǵashqy tabystarymyz. Biz áli joldyń basynda ǵanamyz», - dep atap kórsetti. Jıynda kóterilgen ózge de máseleler jóninde «Egemen Qazaqstan» basylymynyń búgingi sanyndaǵy «Jańashyldyq joǵary jetistikterge jetkizedi» atty maqaladan bilesizder.

Keshe prokýratýra organdary qurylýynyń 20 jyldy­ǵyna arnalǵan saltanatty jınalys bolyp, oǵan Premer-Mınıstr Kárim Másimov, Parlament Senatynyń Tóraǵasy Qaırat Mámı, Prezıdent Ákimshiliginiń ókilderi, ortalyq memlekettik organdar jetekshileri, prokýratýra organ­darynyń ardagerleri jáne sheteldik qonaqtar qatysty. Osy jıynda kóterilgen máseleler «Egemen Qazaqstannyń» búgingi sanynda «Jıyrma jyldaǵy jemisti eńbek ataldy» atty taqyryppen jarııalandy.

***

«Aıqyn» basylymynyń búgingi sanynda «Dinı medreseler tekserildi» atty maqala jarııalandy. Basylymnyń jazýynsha, Qazaqstan Respýblıkasynyń Din isteri agenttigi men Bilim jáne ǵylym mınıstrligi elimizdegi ıslamı oqý oryndaryn tekserip shyqty. Tekserý barysynda ıslamı oqý oryndarynyń elimizdiń zańnamasynda belgilengen normalar men biliktilik talaptaryna sáıkestigi, oqý materıaldarynyń quramy men sapasy, kitaphana qorlarynyń sapalyq jáne sandyq quramy, oqý úderisiniń baǵyttylyǵyn taldaý nazarǵa alyndy. Osy tekserýdiń nátıjelerin «Aıqyn» basylymynyń búgingi sanynan oqyńyzdar.

Sondaı-aq atalmysh basylymnyń habarlaýynsha, elimizde ekstrokorporaldy uryqtandyrý medıtsınasy qarqyndy damyp keledi. Búginde Qazaqstanda bul ádis arqyly dúnıege kelgen balalar sany - 6 myńǵa jetti. Taıaýda halyqaralyq Ana kúnine oraı, «Eko» reprodýktıvti medıtsınanyń ortalyǵy men qazaqstandyq reprodýktıvti medıtsına qaýymdastyǵy Almatyda egizder sherýin uıymdastyryp, medıtsınanyń jańa salasynyń jetistikterimen tanystyrǵan bolatyn. Degenmen bul salada sheshilmeı jatqan máseleler de kóp. Onyń jaǵdaıyn «Aıqyn» basylymynyń búgingi sanynda jarııalanǵan qazaqstandyq reprodýktıvti medıtsına qaýymdastyǵynyń ókili Vıacheslav Lokshınniń «Kvota ádil bólinýi qajet» atty suhbatynan bilýge bolady.

***

«Alash aınasy» basylymynyń jazýynsha, jeltoqsannyń 5-i kúni Germanııanyń Bonn qalasynda Aýǵanstan máselesi talqylandy.

Onda eldegi osy ýaqytta qalyptasyp otyrǵan jaǵdaıǵa baılanysty baıandama jasaǵan Aýǵanstan Prezıdenti Hamıt Karzaı memlekettiń birte-birte jetilip kele jatqandyǵyn, osy rette el basshylyǵy memlekettiń ınfraqurylymyna mol kóńil bólip otyrǵandyǵyn aıtady. Al elde tóselgen joldar kólemi Aýǵanstan tarıhynda bolmaǵan deńgeıge jetken. Aqparat jáne baılanystaǵy jetistikter

de táýir-aq jolǵa qoıylǵan. Desek te aıadaı ǵana Aýǵanstandaǵy berekesizdik álemniń bas aýrýyna aınalyp otyr. Al bul máseleni qalaı sheshý kerektigi jónindegi jıynǵa qatysýshy memleketter ókilderiniń pikirlerin «Aýǵanstandy jetekke almasa bolmaıdy» atty maqaladan bilýge bolady.

Sondaı-aq osy basylymnyń jazýynsha, «boıaýshy boıaýshy degenge saqalyn boıaıdynyń» kerin keltirip, sońǵy kezde qoǵamymyzda halal azyq-túlikten bólek, «halal monsha», «halal bılıard», «halal stomatologııa», «halal saýna», tipti «halal bilim» sııaqty tirkesterdiń turmysymyzǵa dendep enýi, «halal» uǵymyna qatysty túsinbeýshilikti odan beter kúrdelendire túskendeı. Qoǵamda dinge betburýshylar men adal ónim tutynǵysy keletin tutynýshylardyń arta túsýin ónim óndirýshiler men halyqqa qyzmet kórsetýshi oryndar óz múddesine tıimdi paıdalanyp, kommertsııalyq múddelerin tyqpalaýǵa tyrysýda. Bul másele jóninde «Alash aınasy» basylymynyń búgingi sanyndaǵy «Halaldyń» qadirin qashyryp alǵan joqpyz ba?» atty maqalada.

***

Keshe Úkimette eldegi joǵary jáne kásibı bilimniń sapasyn arttyrý máselesi qaraldy. Onda Bilim jáne ǵylym mınıstri Baqytjan Jumaǵulov aldaǵy 3-4 jyldyń ishinde eldegi oqý oryndaryn ońtaılandyryp, syrttaı bilim alatyn azamattar sanyn kemitýdi kózdep otyrǵandyǵyn jetkizdi. Mınıstrlik júrgizgen taldaýlarǵa qaraǵanda, elde joǵary bilim alǵan azamattar shekten tys kóbeıip ketken. Bul másele jóninde «Kazahstanskaıa pravda» basylymynyń búgingi sanyndaǵy «Výzy: lýchshe menshe, da lýchshe» atty maqaladan bilýge bolady.