Haker Indonezııanyń málimetterdi óńdeý ortalyǵyna jasaǵan shabýylynan soń 8 mln dollar talap etti

<p>ASTANA. KAZINFORM &ndash; Indonezııanyń málimetterdi óńdeý ortalyǵyna kıbershabýyl jasalyp, saldarynan júzdegen memleketik organdardyń jumys júıesi buzylyp, el astanasyndaǵy áýejaıda reıster tejeldi. Haker 8 mln dollar talap etti, dep habarlaıdy&nbsp;<a href="https://www.ndtv.com/world-news/hacker-demands-8-million-ransom-after-cyber-attack-on-indonesias-data-centre-5960367" target="_blank" rel="noopener">NDTV</a>.</p>

Ótken aptada reseılik LockBit bopsalaýshylar toby daıyndaǵan baǵdarlama arqyly jasalǵan kıbershabýyldan soń júıeler isten shyǵyp, Djakartadaǵy Sýkarno-Hatta áýejaıynda uzyn-sonar kezek paıda boldy, dep habarlady Baılanys mınıstrliginiń ókili.

Shabýyl ulttyq jáne jergilikti deńgeıdegi 210 mekemeniń jumysyna áser etti, dedi dúısenbi kúni Semýel Abrıanı Pangerapan. Sondaı-aq ol hakerdiń 8 mln dollar talap etkenin jetkizdi.

Bılik ókilderi úkimet málimetteriniń qoljetimdiligin qamtamasyz etetin, bopsalaýshylarǵa qarsy Brain Cipher baǵdarlamayn tekserip jatyr.

Úkimet «tólemeıdi» dedi Baılanys mınıstri Býdı Arı Setıadı The Jakarta Post basylymyna.

LockBit ókilderi mıllıardtaǵan dollarǵa shyǵyn keltire jáne ondaǵan mıllıon dollardy bopsalaı otyryp, úkimet, iri kompanııalar, mektepter men aýrýhanalardy nysanaǵa alǵan.

Eýropol málimetteri boıynsha, LockBit tobynan eń kóp zardap shekken meleketter AQSh, Ulybrıtanııa, Frantsııa, Qytaı men Germanııa bolyp otyr.