Habıb Nýrmagomedov AQSh-qa baratyn ushaqtan shyǵaryldy

<p>ASTANA. KAZINFORM &mdash; Sportshy ushaqta basqa orynǵa aýysý týraly ótinishke kónbegen, dep habarlaıdy <a href="https://tass.ru/sport/22859309" target="_blank" rel="noopener">TASS.</a></p>

UFC-diń jeńil salmaqtaǵy eks-chempıony, tanymal sportshy Habıb Nýrmagomedov stıýardessamen janjaldasyp, AQSh-qa ushatyn reısten shyǵaryldy.

Essentially Sports portalynyń habarlaýynsha, oqıǵa ushaq bortynda bolǵan. Bul oqıǵa jazylǵan vıdeoda naqty kúni kórsetilmegen. Nýrmagomedov borttaǵy avarııalyq esiktiń janyndaǵy orynǵa jaıǵasqan. Ushaqta stıýardessa atalǵan orynda otyrǵan tanymal sportshyǵa «apat bolǵan jaǵdaıda jolaýshylarǵa kómektese alasyz ba?» dep suraǵan kórinedi. 

Osydan keıin daý-damaı bolyp, basqa orynǵa aýysý týraly ótinishinen bas tartqan. Óz kezeginde stıýardessa sýpervaızerdi shaqyrtyp, Nýrmagomedov pen onyń komandasyna ushaqtan túsý jónindegi talap qoıylǵan. 

Eske sala keteıik, byltyr jazda Reseı Federaldyq salyq qyzmeti Habıb Nýrmagomedovtyń qaryzdaryn tóleý talaptaryn oryndamaǵany úshin bank shottaryna tyıym saldy.