«Habar» arnasynda jarnama bolmaıdy - Dáýren Abaev
17:54, 16 Qarasha 2017
ALMATY. QazAqparat - QR Aqparat jáne kommýnıkatsııalar mınıstri Dáýren Abaev «MedıaQuryltaı-2017» kásibı talqylaý alańynda memlekettik arnada kezeń-kezeńimen jarnama joıylatynyn aıtty, dep habarlaıdy QazAqparat tilshisi.
Jıyn barysynda memlekettik arnalardaǵy jarnamanyń qajettiligi týraly talqylandy.
Dáýren Abaev bul máseleniń ótken medıaquryltaıdan beri jalǵasyp kele jatqanyn aıtty.
«Ótken jyly maǵan osyndaı saýal qoıylǵan. Memlekettik arnalarda nege jarnama beriledi degen. Bul aıtylǵan máseleni taldaýdan ótkize kele mynany málimdegim keledi. 2018 jyldyń 1 qańtarynan «Habar» arnasy jarnamadan bas tartady. Jyldyń sońyna deıin qalaı bolatynyn baqylaımyz. Keler jyldyń sońynda nátıjeni taldaýdan ótkizip, odan ári sheshim qabyldaıtyn bolamyz», - dedi Dáýren Abaev.