«Habar» arnasynda «Dáýren Abaevpen ashyq suhbat» baǵdarlamasy kórsetildi
Mınıstrdiń aıtýynsha, jeke ózine Prezıdenttiń 100 úzdik álemdik oqýlyqty memlekettik tilge aýdarý, qazaqstandyq mádenıetti shetelde ilgeriletý usynysy qyzyqty boldy.
«Bul jumys bizdiń búkil qoǵamymyzǵa qatysy bar. Ǵalymdarǵa da, ekonomısterge de, shaǵyn bızneske de. Munyń barlyǵy bizdiń elimizdi álemdik mádenı ortaǵa ilgeriletýdegi berekeli jumys qoı. Men bul maqalany zeıin salyp oqýdy ótinemin», - dedi ol «Dáýren Abaevpen ashyq suhbat» baǵdarlamasy barysynda.
Aqparat jáne kommýnıkatsııalar mınıstri Dáýren Abaev latyn álipbıine kóshý Qazaqstannyń óziniń strategııalyq seriktesi sanalatyn Reseı Federatsııasymen aradaǵy qarym-qatynasyna esh áser etpeıtindigin de basa aıtyp ótti.
«BAQ eń alypsatarlyq taqyrypty latynǵa kóshýdi qaǵyp aldy. Bul qadamdy Prezıdent óziniń 2012 jylǵy Joldaýynda aıtqan bolatyn. ıAǵnı, qazir tapsyrmany júzege asyrý jaıynda sóz bolyp otyr», - dedi ol.
Vedomstvo basshysynyń atap ótýinshe, keıbir BAQ bul protsesti shamadan tys saıasılandyryp jiberdi. Negizinen másele lıngvıstıkalyq turǵyda kóterilip otyr.
«Bul taza spekýlıatsııa. Kóshý máselesi lıngvıstıkalyq turǵyda tur. Odaqtasymyz Reseı Federatsııasymen bizdiń qarym-qatynasymyzdy qaıta qarastyrý jaıynda sóz joq. Jáne bolýy da múmkin emes, birneshe jyl ótkennen keıin barlyq synshylar munyń olaı emestigine túsinetindigine men kámil senemin jáne bul taqyryp tóńiregindegi osynaý alypsatarlyqtyń barlyǵy da ótken is bolyp qalady», - dedi Dáýren Abaev.
Sonymen qatar ol Qazaqstannyń Reseımen strategııalyq áriptes bolǵandyǵyn ári bolyp ta qala beretindigin basa aıtty. Mınıstr qujattyń eń qajetti ýaqytta jaryq kórip otyrǵandyǵyn da atap ótti.
«Elimizdiń barlyq turǵyndary maqalany muqııat oqý barysynda bizdiń alǵa qadam basýymyzǵa qajetti dúnıelerdi tabaryna senimdimin. Memleket basshysy ózgelerdeı emes álemde oryn alyp jatqan ózgermeli trendterdi birden sezedi», - dedi mınıstr.
Onyń paıymynsha, qujat konstıtýtsııalyq reformalar men ekonomıkalyq jańǵyrýdyń logıkalyq jalǵasy bolyp otyr.
«Qoǵamdyq sana-sezimdi de ózgertetin ýaqyt jetti», - dedi ol.
«Dáýren Abaevpen ashyq suhbat» baǵdarlamasynyń tolyq nusqasyn «Habar» telearnasynyń saıtynan kórýge bolady.