«Habar» agenttigi jańa jylǵa qyzyqqa toly merekelik baǵdarlamalar ázirledi

ASTANA. 28 jeltoqsan. QazAqparat - Jyldaǵy dástúrge saı, 31 jeltoqsannan 1 qańtarǵa qaraǵan túni «Habar» jáne «El arna» telearnalarynan jańa jyldyq shoý-baǵdarlamalardy tamashalaýǵa bolady.

«Habar» telearnasynyń kórermenderin juldyzdarmen ótetin umytylmas kezdesýler kútip tur. Bul ázil-qaljyńy aralas úsh saǵattyq mýzykalyq kontsertti shoý bolmaq. Osy kesh barysynda jobanyń júrgizýshileri men shaqyrylǵan juldyzdar 2013 jyldy qorytyndylap, eń mańyzdy oqıǵalarǵa toqtalatyn bolady. Shoý-baǵdarlama barysynda 35-ten astam kontserttik nomir usynylady.

Sizder tanymal qazaqstandyq ártister, sportshylar, akterler, sonymen birge, «Habar» agenttiginiń júrgizýshileriniń san qyrly ónerin tamashalaı alasyzdar. Al «Habar» agenttigi túsirgen serıaldardyń saýndtrekteri ózinshe bólek áńgime.

Sonymen birge, «El arna» telearnasynda da jańa jyl túni kóptegen qyzyqqa toly baǵdarlamalar kórsetiledi. Telearna juldyzdarynyń qatysýymen ótetin qyzyqqa toly kóńil kóteretin kontsert kútińizder, - dedi joba prodıýseri Gaýhar Imanqulova. - Jobaǵa belgili estrada juldyzdary jáne arnanyń telejúrgizýshileri qatysady. Máselen, birinshi ret Rınat Zaıytovpen birge telearnanyń júrgizýshileri án aıtady. Kópshiliktiń kóńilinen shyqqan «Traktorshynyń mahabbaty» serıalyndaǵy apanyń rolindegi Alıhan Ediresova sahna syrtynda ártisterdiń arasynan óziniń uly úshin qalyńdyq izdeıdi. Stýdııadaǵy qonaqtardy tanymal ártister Tuńǵyshbaı Jamanqulov pen Maıra Muhammedqyzy qarsy alady».