H-ti tergeý barysynda jeliniń Ulybrıtanııadaǵy tártipsizdikterge yqpaly nazarǵa alynady

<p>ASTANA. KAZINFORM&mdash;Eýropalyq komıssııanyń X áleýmettik jelisine qatysty tergeýi barysynda jeliniń Ulybrıtanııadaǵy tolqýlarǵa degen jaýaby eskerilýi múmkin, dep jazady <a href="https://ru.euronews.com/my-europe/2024/08/08/x-reaction-to-uk-riots-could-impact-dsa-probe-says-commission?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>.</p>

2023 jyldyń jeltoqsanynda jarııalanǵan protsess EO-nyń jańa zańy boıynsha qaralǵan alǵashqy sot isi boldy.

Tergeý X kompanııasynyń táýekelderdi basqarý, mazmundy moderatsııalaý, jarnamanyń ashyqtyǵy jáne zertteýshiler úshin derekterge qol jetkizý sııaqty salalarda zańdy buzǵan-buzbaǵanyn zertteıdi.

30 shildede Saýtporttaǵy bı stýdııasyna jasalǵan shabýyl kezinde balalar qaza tapqannan keıin Ulybrıtanııada bastalǵan narazylyq sherýleri keı qalalarda jappaı tártipsizdikter men zorlyq-zombylyqqa ulasty.

X áleýmettik jelisi bul oqıǵada úlken ról atqardy dep sanalady. Aldymen ol Saýtport shabýyly týraly shıelenis pen jalǵan aqparat taratý quraly retinde paıdalanyldy, onyń mıllıarder ıesi Ilon Masktyń premer-mınıstrdi synaýy narazylyq pen zorlyq-zombylyqty kúsheıte tústi.

Búgin brıtandyq retteýshi áleýmettik jelilerdi óz platformalaryn elde jalǵasyp jatqan tártipsizdikter kezinde zorlyq-zombylyqqa shaqyrý úshin paıdalanbaýǵa shaqyrdy.

«Ulybrıtanııadaǵy jaǵdaı Eýrokomıssııanyń tergeýine áser ete ala ma?» degen suraqqa atqarýshy bılik ókili Euronews-ke: «Biz, árıne, ańǵal bolmaýymyz kerek, EO-da da janama áserler bolýy múmkin», - dep jaýap berdi.

Brıýssel Ulybrıtanııadaǵy jaǵdaıdy, sondaı-aq X platformasynyń osy oqıǵalarǵa reaktsııasyn muqııat qadaǵalap otyr, dep atap ótti ol.