Ǵylymı jarııalanymdarǵa arnalǵan jýrnaldar qatary artady

NUR-SULTAN. QazAqparat – Ǵylymı jarııalanymdarǵa arnalǵan jýrnaldar qatary artady. Bul jaıynda QR Bilim jáne ǵylym mınıstri Ashat Aımaǵambetov Facebook paraqshasynda jazdy, dep habarlaıdy QazAqparat tilshisi.

«Ótken jyly joǵary oqý oryndaryndaǵy akademııalyq adaldyqtyń negizgi qaǵıdattary normatıvtik qujattarda bekitilgen bolatyn. Jarııalanymdarǵa qoıylatyn talaptar kúsheıtildi. Sákesinshe otandyq ǵylymı jýrnaldar da kontent sapasyna erekshe nazar aýdara bastady», – dedi mınıstr.

Onyń atap ótýinshe, bul sheshim byltyr sáýir aıynda qabyldanǵanymen, jýrnaldarǵa qoıylatyn jańa talaptar 2021 jyldyń 1 qańtarynan bastap kúshine endi.

«ıAǵnı, baspalarǵa óz jýrnaldaryn jańa sapaly talaptarǵa beıimdeı alýy úshin jetkilikti ýaqyt berildi. Bilim jáne ǵylym salasyndaǵy sapany qamtamasyz etý komıteti qabyldaǵan basylymdarynyń jańa tizilimine 31 jýrnal kirdi. Bul jýrnaldardyń qatary áli de artatyn bolady», - dedi Ashat Aımaǵambetov.