Ǵylymı-zertteý ınstıtýttarynda jas ǵalymdarynyń jetispeýshiligi baıqalady
dep habarlaıdy QazAqparat.
«Elbasy N.Á.Nazarbaev Qazaqstan halqyna Joldaýynda eldiń ǵylymı- tehnologııalyq damýynyń 2020 jylǵa deıingi salaaralyq josparyn ázirleýdi tapsyrdy. Osy oraıda ǵylym júıesin damytýdyń, ıaǵnı básekege qabiletti ekonomıkaǵa qolaıly jaǵdaılar jasaý, ındýstrııalyq-ınnovatsııalyq damý strategııasy aıasynda alǵa qoıǵan maqsattarǵa jetýdiń mańyzy zor. Al bul ǵylymı mamandardyń áleýeti arqasynda júzege asatyny barshamyzǵa aıan. Ókinishke qaraı, búgingi kúni joǵary oqý ornynan keıingi bilimi bar ǵylymı mamandardy daıarlaý deńgeıi olarǵa degen qajettilikti qanaǵattandyra almaı otyr. Onyń ústine, joǵary oqý oryndary men ǵylymı-zertteý ınstıtýttarynda qyzmet atqaratyn ǵalymdar men ǵylymı ataǵy bar oqytýshylardyń jas mólsheri ulǵaıyp, jas ǵalymdar qatarynyń jetispeýshiligi baıqalýda», dedi depýtat. Máselen,onyń aıtýynsha, 50 jáne odan joǵary jastaǵy doktorlar quramy 86 paıyz, al 40 jasqa deıingi ǵylym kandıdattarynyń sany 21 paıyzdy ǵana quraıdy. Al qazirgi tańda magıstrlerge degen qajettilik 11 myń 798-di, PhD doktorlarǵa - 2 myń 678-di qurap otyr.
«Sondyqtan da memlekettik bilim tapsyrysyn magıstratýra boıynsha 5 myńǵa deıin, al PhD doktorantýrasy boıynsha 2 myń 500 orynǵa deıin kóbeıtý qajettigi týyndap otyr. Sondyqtan, elimizdiń ǵylymı áleýetin arttyratyn mamandar daıarlaý josparyn ázirleý barysynda tıisti tolyqtyrýlar engizý qajet dep esepteımin», dedi Q. Bısenov.