Ǵylymı zerthanalardyń qyzmetin úılestirý úshin «E-lab» platformasy qurylady

ASTANA. QazAqparat – Ǵylymı zerthanalardyń qyzmetin úılestirý úshin «E-lab» biryńǵaı platformasyn qurý qajet. Mundaı usynys «Ashyq» NQA portalynda jarııalanǵan «Ǵylym jáne tehnologııalyq saıasat týraly» QR Zańynyń jobasyna jazylǵan, dep habarlaıdy QazAqparat tilshisi.

«Qazaqstan ǵylymy» biryńǵaı aqparattyq júıesi sheńberinde ujymdyq paıdalaný zerthanalarynyń qyzmetin úılestirý úshin «E-lab» biryńǵaı platformasyn qalyptastyrý qajet. Bul ǵylymı uıymdar ázirlemeleriniń tehnologııalyq daıyndyq deńgeıin anyqtaý, baǵalaý men memlekettik qoldaýdyń tıimdiligin arttyrady», - dep kórsetilgen konsýltatıvtik qujatta.

Eske sala ketıik, buǵan deıin Ǵylym jáne joǵary bilim mınıstrligi «Ǵylym qorynyń» qyzmetin transformatsııalaýdy usynǵanyn jazyp edik.