Ǵylymı kommertsııalandyrý jobalaryn granttyq qarjylandyrý konkýrsy bastaldy
Sońǵy 3 jylda elimizde belgili bir kommertsııalyq áleýeti bar perspektıvalyq jobalardyń pýly qalyptasty.
Otandyq ǵylymı ázirlemelerge negizdelgen úzdik ınnovatsııalyq taýarlar men qyzmetter memlekettik qoldaýǵa ıe bolyp, qarjylandyrylady jáne eksportqa shyǵarylady.
Ǵalymdar óz jobalaryn júzege asyrý úshin 300 mln teńgege deıin qarjy ala alady.
Jobalar ekonomıkanyń densaýlyq saqtaý, sapaly bilim berý, tsıfrlandyrý, geologııalyq barlaý, energetıkalyq keshendi jańǵyrtý, óńdeý ónerkásibi, munaı-hımııa ónerkásibi, ekologııa, agroónerkásiptik keshen, metallýrgııa, metall óńdeý, týrızm jáne t.b. sııaqty salalardy qamtýy múmkin.
Bul baıqaýda ashyqtyq pen transparenttilikke baǵyttalǵan jańashyldyqtar paıda boldy. Kommertsııalandyrý jónindegi arnaıy qurylǵan ulttyq keńestiń ókilderi qarjy bólý úshin jobalardy irikteıdi. Onyń quramyna jetekshi ǵalymdar, venchýrlyq bıznestiń, salalardyń ókilderi, ınnovatsııa salasyndaǵy sarapshylar kiredi. Keńes Úkimet qaýlysymen bekitiledi.
Baıqaý talaptaryna sáıkes joba 3 jyl ishinde aıaqtalyp, satylymǵa shyǵýy kerek, al qosa qarjylandyrý grant somasynyń keminde 20%-yn quraýy tıis. Komandalar quramynda 5 adamǵa deıin qatysa alady.
Ótinishterdi qabyldaý 2022 jylǵy 6 maýsymda bastalyp, 5 shildede aıaqtalady. Ótinishterdi «Ulttyq memlekettik ǵylymı-tehnıkalyq saraptama ortalyǵy» AQ avtomattandyrylǵan aqparattyq júıesi, ıaǵnı www.is.ncste.kz.det siltemesi arqyly jiberýge bolady.
Qajetti qujattar tizimi QR BǴM Ǵylym komıtetiniń, «Memlekettik ulttyq ǵylymı-tehnıkalyq saraptama ortalyǵy» AQ jáne «Ǵylym qory» AQ veb-saıttarynda ornalastyrylǵan.