Ǵylymdy kommertsııalandyrý jobalaryna ǵylymǵa qatysy joq adamdar kirip ketip jatyr - akademık

ASTANA. QazAqparat – Mıkrobıologııa jáne vırýsologııa ǵylymı ortalyǵynyń bas dırektory Amangeldi Sadanov Úkimet otyrysynda ǵylymdy kommertsııalandyrý qorynyń qarajatyn ıgerýdegi problemalardy atap kórsetip berdi, dep habarlaıdy QazAqparat tilshisi.

«Ǵylym jáne joǵary bilim mınıstrligi óz aldyna bólek shyqqannan beri kóp dúnıe jasalyp jatyr. Ǵylym maqala men monagrafııa jazýmen shektelmeý kerek. Negizgi ǵylym nátıjesin ekonomıkaǵa, óndiriske mindetti túrde berýi kerek. Іrgeli zertteý qolǵa alynǵan eken, ol mindetti túrde kommertsııaǵa deıin jetýi kerek. Óıtkeni bıýdjettiń ǵylymǵa bólgen ár teńgesi, tıyny memleketke eselep qaıtýy shart. Qazir sol máseleni aldymyzǵa qoıyp otyr», - dedi ǵalym.

Sondaı-aq, ol 2019-2020 jyldary ǵylymdy kommertsııalandyrý qoryna qarjy bólinbeı qalǵanyn eske saldy.

«Qansha degenmen qazir ǵylym qory rezonansty jaǵdaı týǵyzyp otyrǵan sııaqty. Biraq jumys bolǵan soń poblemasy da bolady. Mysaly, ǵylymı jobany kommertsııalandyrýǵa ótinim bergen kezde ǵylymǵa qatysy joq adamdar kirip ketip jatyr. Sondyqtan osy jaǵyna kóńil bólse, irgeli, qoldanbaly zertteý jasalǵan, ǵylymı jańalyǵy bar jobalardy ǵana damytýǵa qarajat bólinse durys bolar edi», - dedi akademık.