Ǵylymdy qaıta dáriptep, ǵalymdardyń mártebesin kóterýimiz kerek – mınıstr

NUR-SULTAN. QazAqparat – QR Ǵylym jáne joǵary bilim mınıstri Saıasat Nurbek Qazaqstan ǵylymyn tanymal etý qajettigin aıtty, dep habarlaıdy QazAqparat tilshisi.

Onyń aıtýynsha, jańa mınıstrliktiń basty baǵyttarynyń biri – ǵylymdy dáripteý.

«Qazir ǵylymdy qaıtadan tanymal, qyzyqty etý, ǵylymı mansaptan úlken mansaptyq tramplın jasaý óte mańyzdy. Búkil Marvel fılmderin qarasańyzdar: Brıýs Benner – Halk – ǵalym, Tonı Stark – ǵalym. Barlyq keıipkerler – ǵalymdar. Innovator retinde, álemdi jáne elimizdi alǵa jyljytyp, jaqsartatyn adam retinde ǵalym mártebesin qaıtarýymyz kerek», - dedi Saıasat Nurbek Úkimet otyrysynan keıin jýrnalısterge.

Óz sózinde Ǵylym mınıstri Oqý-aǵartý mınıstri Ashat Aımaǵambetovtiń muǵalim mártebesin qaıtarǵanyn eske saldy.

«Dál osylaı ǵalymnyń mártebesine de nazar aýdartqymyz keledi. Ǵalym – bolashaǵy zor mansap. Ǵalymdar rasynda da álemdi ózgertedi. Jáne eń bastysy, ǵalymdar qoldanbaly formatta ekonomıkalyq jáne áleýmettik damýǵa, JІÓ-niń ósýine jáne basqa faktorlarǵa áser etedi. ıAǵnı, ǵylym áleýmettik-ekonomıkalyq damýdyń seriktesi jáne kómekshisi retinde de mańyzdy», - dedi Saıasat Nurbek.

Buǵan deıin jańa mınıstr Ulttyq ǵylym akademııasynyń mártebesi qaıtarylatynyn aıtqan edi.