Ǵylym jónindegi ulttyq keńes Prezıdentti ozyq ıdeıalarmen qarýlandyrady – Saıasat Nurbek

ASTANA. QazAqparat – QR Ǵylym jáne joǵary bilim mınıstri Saıasat Nurbek Jibek Joly telearnasyna bergen suhbatynda Ǵylym jánen tehnologııalar jónindegi ulttyq keńestiń ne úshin qurylǵanyn túsindirdi, dep habarlaıdy QazAqparat tilshisi.

«Ǵylym jáne tehnoloııalar jónindegi ulttyq keńesti qurý ne úshin qajet boldy? Halyqaralyq tájirıbege qarasaq, ótken ǵasyrdyń 30 jyldarynyń ózinde Amerıka Prezıdenti Franklın Rýzvelt alǵash ret ǵylym jónindegi ulttyq keńes qurǵan bolatyn. Osylaısha keńesshiler toby – sol kezdegi úzdik, jetekshi ǵalymdar toby MІT prezıdenti Van Barabýshtyń basshylyǵymen turaqty qyzmet etetin alań jasady. Ol alań Prezıdentti memlekettik saıasatta qorǵanys qabileti jónindegi sheshimder ázirleýge qajetti ǵylymı negizdelgen tásildermen tikeleı qamtamasyz etip otyrdy. Biz osy sııaqty keńesterdiń bárin zerdeledik. Frantsııada da ǵylym akademııasynda el Prezıdentiniń janyndaǵy konsýltatıvtik-aqyldasý keńesi jumys isteıdi. Prezıdentke osyndaı usynys engizdik. Qasym-Jomart Kemeluly muny qoldady», - dedi Saıasat Nurbek.

Onyń sózine qaraǵanda atalǵan ulttyq keńestiń músheleri túrli saladaǵy ozyq ıdeıalaryn Prezıdentke tikeleı jetkizýge múmkindik almaq.

«Bul nege mańyzdy? Endi ǵalymdar ǵylymnyń problemalary men óz usynymdaryn, ıdeıalaryn, ekonomıkany, qorǵanys qabiletin, halyqaralyq isterdi damytý sııaqty túrli máseleler boıynsha júrgizetin taldaýlaryn tikeleı Prezıdentke jetkize alady. Al bul Prezıdentti sheshim qabyldaýǵa qajet jańa ıdeıalarmen, qosymsha kózqarastarmen qarýlandyratyn turaqty arna bolady», - dep atap ótti mınıstr.

Vıdeodan alynǵan kadr