Ǵylym salasyndaǵy zııatkerlik menshikti qorǵaıtyn ókiletti organ qajet

ASTANA. 16 aqpan. QazAqparat - «Zııatkerlik quqyq týraly» zań ǵylymı áleýetti qorǵaı almaı otyr.

Búgin Astanada ótken ǵylymı keńes barysynda «Parasat» ulttyq ǵylymı-tehnologııalyq holdıngi» AQ basqarma tóraǵasy Nuraly Bekturǵanov osy máseleni kóterdi.

«Ol zańǵa ózgeris engizý kerek. Sebebi patent alý úshin biz Ádilet mınıstrligine ótinish beremiz. Al ol jerde ǵylymı jańalyqtardyń ózektiligin kim teksere alady? Zańger me? Sondyqtan bul jumysty ǵylym salasyndaǵy ókiletti organ atqarýy tıis dep oılaımyz», - deıdi N.Bekturǵanov.