Ǵylym ókilderi Konstıtýtsııaǵa engiziletin ózgeristerdi belsendi talqylaýǵa shaqyrdy
Taqyrypty talqylaýǵa Qazaq ǵylymı-zertteý mádenıet ınstıtýty men Beıbitshilik jáne Kelisim mýzeıiniń ujymy, ǵylymı jáne shyǵarmashyl zııaly qaýym ókilderi qatysty.
Ujym aldyndaǵy baıandamasynda QazǴZMI-nyń bas dırektory Andreı Hazbýlatov memlekettik bıliktiń taramdary arasyndaǵy ókilettikti qaıta bólý suraqtary boıynsha qabyldanyp jatqan konstıtýtsııalyq sharalardyń mańyzdylyǵyn aıtyp ótti.
Onyń sózine qaraǵanda, jańa mindetter Parlamenttiń jergilikti atqarýshy organdar, ıaǵnı ákimdikterge qatysty rólin arttyrady. Áleýmettik-ekonomıkalyq úrdisterdi qadaǵalaý boıynsha quzyretterdiń basym bóligi Úkimetke júkteledi. Bul sala úshin mınıstrler kabıneti jáne ákimdikter jaýap beredi. Sonymen qatar,memlekettik baǵdarlamalardy bekitý quqyǵyn Úkimet óz jaýapkershiligine alady. Úkimet óz quramyna kirmeıtin ortalyq atqarýshy organdardy óz betimen uıymdastyryp, joıa alady. Parlament, dálirek aıtqanda, parlamenttik saılaýda jeńip alǵan partııa Úkimettiń qalyptasýynda sheshýshi ról atqaratyn bolady.
«Árbir azamat osy talqylaý kezeńine belsendi atsalysýǵa mindetti, óıtkeni saıası júıeni demokratızatsııalaýdyń jańa qadamdarynyń qandaı bolatyndyǵy bizge baılanysty», - dedi A. Hazbýlatov.
QazǴZMI-nyń aǵa ǵylymı qyzmetkeri Túgelbaı Baqbergenovtyń pikirinshe, konstıtýtsııalyq reforma boıynsha qabyldanǵan sharalar memlekettik bıliktiń taramdary arasyndaǵy mindetterdi bólip qarastyrýǵa septigin tıgizedi. Úkimet pen Parlament qabyldanǵan sheshimder úshin jaýapty bolady. Saıası ınstıtýttyń damýy arqyly saıası mádenıet te damıdy, ol óz aldyna mádenıet salasynyń barlyq baǵyttaryna oń yqpal etedi.
Eýrazııalyq dızaınerler odaǵynyń tóraǵasy Ermek Asylhanov: «Biz mádenıet salasynyń qyzmetkerleri, eń aldymen qoǵamnyń rýhanı damý qajettiligin óteýde Qazaqstan Respýblıkasynyń Prezıdenti - Ult kóshbasshysy Nursultan Nazarbaev engizgen jańa qadamdardy qoldaımyz. Áleýmettik-ekonomıkalyq máseleler boıynsha sheshim qabyldaýdyń Úkimetke júktelýi Úkimet pen mınıstrlikter qyzmetkerleriniń memlekettik baǵdarlamalar úshin jaýapkershiligin arttyra túsedi», - dep pikirin bildirdi.
«Konstıtýtsııalyq reformalar baǵdarlamasy - bıliktiń barlyq taramdary arasynda, sonyń ishinde saıasat pen mádenıet arasynda turaqty baılanys jasaıtyn durys qabyldanǵan demokratııalyq sheshim. Biz azamattyq kózqarasymyzdy nyǵaıtyp, mádenıet pen saıasatty bólip qarastyrýǵa bolmaıtyndyǵyn árdaıym este saqtaýymyz kerek», - dedi QazǴZMI bas ǵylymı qyzmetkeri Galına Nıkolaevna.
Dóńgelek ústel qatysýshylary Elbasy Nursultan Nazarbaevtyń arnaıy joldaýy sarabdal sheshim men básekege qabiletti ultty qurý men damytý aıasyndaǵy memlekettik saıasattyń logıkalyq jalǵasy bolyp tabylatyndyǵyn aıta otyryp, konstıtýtsııalyq reformalarǵa tolyqtaı qoldaý bildirdi. Konstıtýtsııalyq reformalardy qabyldaý negizdelgen, qajet sheshim bolyp, ómirdiń barlyq salalaryna oń áserin tıgizedi.
Qazaqstan Respýblıkasynyń Prezıdenti - Ult kóshbasshysy Nursultan Nazarbaev konstıtýtsııalyq reformany jalpyhalyqtyq talqylaýǵa shyǵarý týraly ókimge qol qoıǵandyǵy barshamyzǵa belgili. Reformanyń máni: 40-qa jýyq prezıdenttik ókilettik Úkimet pen Parlamentke ótedi. Ol úshin sáıkes zańdar men Konstıtýtsııaǵa ózgerister engizilýi kerek. Bul ózgeristerdi Úkimet Parlament qaraýyna aǵymdaǵy sessııanyń sońyna deıin usynady. Prezıdent quzyretinde strategııalyq mindetter, bılik taramdary arasyndaǵy joǵarǵy tóreshilik ról, syrtqy saıasat, ulttyq qaýipsizdik nemese eldiń qorǵanys máseleleri qalady.