Ǵylym men tehnıka salasyndaǵy memlekettik syılyq berý komıssııasynyń otyrysy ótti

NUR-SULTAN. QazAqparat - Memlekettik hatshy Qyrymbek Kósherbaev Qazaqstan Respýblıkasynyń ǵylym men tehnıka salasyndaǵy memlekettik syılyǵyn berý jónindegi komıssııanyń otyrysyn ótkizdi, dep habarlaıdy Aqorda.

QR Memlekettik hatshysy Qyrymbek Kósherbaevtyń tóraǵalyǵymen 2021 jylǵy Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵyn berý jónindegi komıssııanyń otyrysy ótti.

Komıssııa syılyqqa usynylǵan 16 jumysty qarap, memlekettik ǵylymı-tehnıkalyq saraptamanyń nátıjelerimen, sondaı-aq, medıtsına jáne bıologııa ǵylymdary, jaratylystaný ǵylymdary, tehnıka ǵylymdary, gýmanıtarlyq ǵylymdar, aýyl sharýashylyǵy ǵylymdary boıynsha bes sektsııanyń saraptamalyq-taldamalyq usynystarymen tanysty.

Komıssııa otyrysynyń qorytyndysy boıynsha 2021 jylǵy Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵyn alý úshin usynylǵan jáne aldyn ala irikteýden ótken jumystardyń tizimi bekitildi. Tizim buqaralyq aqparat quraldarynda jarııalanady.