Ǵylym men bilimdi ekinshi orynǵa qoıǵan memleket birinshi orynǵa kóterile almaıdy – Kárimbek Qurmánalıev
«Ǵylym men bilimdi ekinshi orynǵa qoıǵan memleket eshqashanda eshbir salada birinshi orynǵa kóterile almaıdy. Osy qaǵıdany qaperge alǵan Prezıdentimiz bizdiń ulttyq ǵylym akademııasyna memlekettik statýs berdi jáne óziniń qol astyna aldy. Ǵylymǵa degen memlekettiń kózqarasy durys bolǵan kezde ekonomıka damıdy. Ekonomıkanyń barlyǵy ǵylymǵa negizdelýi kerek. Al bizge bul úlken jaýapkershilik» - dedi ol.
Sondaı-aq Kárimbek Qurmanálıev ǵylym salasyna bólinip jatqan qarajattardyń azdyǵyn atap ótip, kóbeıtý kerektigin usyndy.
«Amerıka, Shvetsııa, Izraıl memleketterinde ishki jalpy ónimniń 3-4 paıyzy ǵylymǵa jumsalsa, bizdegi kórsetkish 0,13 paıyz ǵana. BUU janynda ǵylym akademııalyq keńesi bar. Sonda, ǵylym damýy úshin jalpy ishki ónimniń ǵylymǵa degen shyǵyny 1,5 paıyz bolýy kerek degen qaǵıda bar. Sonymen birge aımaqtaǵy ýnıversıtetterdi jandandyrmaı, ǵylym men ekonomıka óristemeıdi. Bul rette ulttyq ýnıversıtet ashylsa ıgi. Ol birinshiden tıisti koefıtsent beredi. Materıaldyq-tehnıkalyq jaraqtandyrylý men professorlyq oqytýshylyq myqty baza qalyptastyrady» - dedi ol.