Ǵylym komıteti tóraǵasynyń orynbasarlary taǵaıyndaldy

ASTANA. QazAqparat - Raqymjan Nurseıitov jáne Erkin Sadyqov Ǵylym komıteti tóraǵasynyń orynbasarlary bolyp taǵaıyndaldy, dep habarlaıdy QR BǴM baspasóz qyzmeti.

Raqymjan Saılaýuly 1972 jyly 24 naýryzda Qyzylorda qalasynda týǵan. 1994 jyly Qazaq memlekettik basqarý akademııasyn «Býhgalterlik esep jáne aýdıt» mamandyǵy boıynsha bitirgen. Sonymen qatar, akademık E.A. Bóketov atyndaǵy Qaraǵandy memlekettik ýnıversıtetin «Quqyqtaný» mamandyǵy boıynsha támamdaǵan.

Zań keńesshisi.

2000 jyldan bastap Qyzylorda oblystyq qazynashylyq basqarmasy basshysynyń orynbasary qyzmetin atqarǵan, Qyzylorda q., Almaty oblysy boıynsha Qazynashylyq departamentiniń basshysy, Taldyqorǵan q., Qazaqstan Respýblıkasy Qarjy mınıstrligi Qazynashylyq komıteti tóraǵasynyń orynbasary, Astana q..

2017 jyldyń 7 aqpanynda QR BǴM Ǵylym komıteti tóraǵasynyń orynbasary bolyp taǵaıyndaldy.

Erkin Toqmuhameduly 1964 jyly 4 qańtarda Almatyda týǵan. 1986 jyly S.M. Kırov atyndaǵy Qazaq MÝ «Saıası ekonomııa» mamandyǵy boıynsha bitirgen.

Ekonomıka ǵylymdarynyń doktory.

1986-1994 jj assıstent, aǵa oqytýshy, dotsent, Ál Farabı atyndaǵy Qazaq MÝ dekannyń orynbasary bolǵan. 1994-1997 jj. QR SEBM bas basqarmasy basshysynyń orynbasary, QR ónerkásip jáne saýda mınıstrliginiń ónerkásip jáne saýda saıasaty bas departamentiniń  bas dırektorynyń orynbasary qyzmetin atqarǵan.

1997-2017 jj. Almaty q. Ákimdiginiń syrtqyekonomıkalyq jáne mádenı baılanystar komıteti tóraǵasynyń orynbasary, «Shaǵyn kásipkerlikti damytý qory» AQ, «Jetisý» ÁKK» UK» AQ, «Qazaqstan ıpotekalyq kompanııasy» AQ tóraǵasynyń orynbasary, «QazEksportGarant» SK» AQ basqarma tóraǵasy bolǵan.

2017 jyldyń 6 aqpanynda QR BǴM Ǵylym komıteti tóraǵasynyń orynbasary bolyp taǵaıyndaldy.