Gvıneıada memlekettik tóńkeris jasalmaq boldy
Onyń málimetinshe, tóńkeris áreketin arnaıy jasaq kúshteri tobyn basqarýshy polkovnık Mamadı Dýmbýıa jasamaq bolǵan. Ol qazirgi kezde el astanasy Konakrı qalasyndaǵy prezıdenttik gvardııa qorǵap júrgen prezıdent saraıynyń aldynda ornalasqan arnaıy jasaq bólimderine súıenip otyr.
Basylymǵa suhbat berýshi qalyptasqan jaǵdaıdy «kúrdeli» dep atady. Óz kezeginde Reuters agenttigi Konakrı qalasyndaǵy prezıdent saraıynyń aldynda qoldaryna qarý ustaǵan áskerıler turǵanyn habarlap otyr.
Onyń málimetinshe, Konakrıdiń soltústiginen qalanyń ońtústigindegi úkimettik kvartalǵa aparatyn jalǵyz joldy sarbazdar qorshap alǵan.
Joǵary ókiletti sheneýnik agenttikke Gvıneıa prezıdenti Alfa Kondeniń din aman ekenin málimdedi. Alaıda Reuters-ke suhbat berýshi oqıǵanyń egjeı-tegjeıin habarlamady. Buǵan deıin Agence France-Presse agenttigi jeksenbi kúni Konakrıdiń úkimettik kvartalynda avtomatty qarýdan oq atylǵanyn habarlady. Kóshelerde áskerıler óte kóp. Sarbazdar kóshede júrgen adamdardan úılerinen shyqpaýyn talap etýde.