Gvıneıada búlikshiler komendanttyq saǵat engizdi

KONAKRI. QazAqparat – Gvıneıa astanasynda tóńkeris jasaǵan áskerıler búkil el boıynsha komendanttyq saǵat engizgenin jáne el konstıtýtsııasynyń kúshi joıylyp, úkimet taratylǵannan keıin birneshe saǵat ótken soń aımaq gýbernatorlaryn aýystyrý jospary týraly jarııalady, dep habarlaıdy QazAqparat Al Jazeera aqparat agenttigine silteme jasap.

Al Jazeera-nyń habarlaýynsha, Gvıneıa astanasy Konakrı qalasynda áskerı bólimsheler qurylyp, jergilikti turǵyndarǵa úılerinen shyqpaý týraly talap qoıyldy.

Buǵan deıin Agence France-Presse agenttigi Konakrıdiń úkimettik kvartalynda jeksenbi kúni avtomatty qarýdan oq jaýdyrylǵanyn habarlady. Kóshede áskerıler kóp. Elde bolyp jatqan jaǵdaı aımaqtyq jáne halyqaralyq uıymdar tarapynan alańdaýshylyq pen syn týdyrǵan.

BUU Bas hatshysy Antonıý Gýterrısh óz sózinde bolyp jatqan jaǵdaıdy synap, el prezıdentin dereý bosatýdy talap etti.

Eske sala ketsek, buǵan deıin QazAqparat Gvıneıa Respýblıkasynda memlekettik tóńkeris jasalmaq bolǵany týraly habarlaǵan.