Gvatemalada kontsert kezinde toǵyz adam qaza tapty
Oqıǵa Ketsaltenango qalasynda Gvatemalanyń Ispanııadan táýelsizdik alýynyń 201 jyldyǵyna arnalǵan merekelik shara kezinde boldy.
Gvatemalalyq Bohemia Suburbana rok-toby óner kórsetken soń, myńdaǵan kórermen ketýge árekettense, basqalary kirýge tyrysady. Sonyń saldarynan qatty keptelis ornaǵan. Onyń ústine, jańbyr jaýýy saldarynan alań laılanyp, adamdardyń kóbi qulap, bir-birin taptap ketken.
Áleýmettik jelide taraǵan vıdeoda ondaǵan adamnyń syǵylysyp turǵany kórinedi. Qulaǵandardy qutqarý úshin ıterýdi toqtatyp, shetke shyǵýǵa shaqyrǵan aıqaı estiledi.
Ketsaltenango qalasynyń meri Amılkar Rıvas bılik ruqsat bergenin, alaıda sharany uıymdastyrýshylar qaýipsizdik pen halyqty baqylaý jaǵyn úılestire almady, sonyń kesirinen adam shyǵyny bolǵanyn aıtty.