Ǵundar búgingi qazaqtyń Kereı, Ýaq, Sirgeli sekildi rýlarymen týys bolyp shyqty

ASTANA. QazAqparat - Ejelgi ǵundar búgingi qazaqtyń Kereı, Ýaq, Sirgeli sekildi rýlarymen týys bolyp shyqty. Búgin Ortalyq kommýnıkatsııalar qyzmetinde ótken brıfıng barysynda QR Ulttyq kitaphanasynyń dırektory Álibek Asqarov ǵalymdar zertteýine súıene otyryp, osyndaı málimetti alǵa tartty. Eske sala keteıik, brıfıng «Eldiń tarıhy men mədenıeti - bolashaǵy tutas ult» taqyrybynda ótken bolatyn.

Álibek Asqarovtyń aıtýyna qaraǵanda, zertteýshi ǵalymdar qazaq halqynyń DNQ-syn (DNQ - Dezoksırıbo nýkleın qyshqyly, genetıkalyq aqparatty tasymaldaýshy molekýlalar, tiri aǵzadaǵy genetıkalyq aqparattyń urpaqtan-urpaqqa berilýin,saqtalýyn, damýy men qyzmetin qamtamasyz etýine jaýapty nýkleın qyshqylynyń biri - red.) ejelgi jaýynger halyq hýnný (ǵun) men arıılerdiń DNQ-symen salystyrǵan eken.

«Nátıjesinde osy úsh halyqtyń ózara jaqyn týystyq baılanysy baryn anyqtaǵan. Naqtylap aıtsaq, osydan 4000 jyl buryn ómir súrgen andronovtardyń geni qazaqtardyń qazirgi Tabyn rýynda kezdesken. Dúnıe júzinde eń alǵashqy bolyp jabaıy jylqyny qolǵa úıretip, dóńgelekti arbany oılap tapqan da osy arııler bolǵan. Al «hýnný», keıinnen ǵun atanǵan halyq bizdiń qazirgi Kereı, Ýaq, Sirgeli rýlarymen týys bolyp shyqty», - deıdi Əlibek Asqarov.

Bul ǵana emes, onyń aıtýynsha, ejelde alyp ımperııa qurǵan qıdandar qazirgi qazaqtyń naımandarynyń ata-tegi ekeni de aıtylyp júr. Al ǵalymdar mundaı qorytyndyǵa Qytaıdyń soltústiginen tabylǵan Egen Gol, Dúrli Nas, Bar Kol qorymdarynda jerlengen jaýyngerlerdiń DNQ-syn zertteý nátıjeleri arqyly uıyǵan tárizdi.