Gúlshat Onlanbekqyzy Oqý-aǵartý mınıstrligi Balalardy erte damytý ınstıtýtynyń dırektory bolyp taǵaıyndaldy
Gúlshat Onlanbekqyzy 1973 jyly Jambyl oblysynda dúnıege kelgen.
Pedagogıka ǵylymdarynyń kandıdaty, dotsent, qaýymdastyrylǵan professor. 100-den astam ǵylymı jáne ǵylymı-ádistemelik eńbegi bar.
1991 jyly «Mektepke deıingi bilim berý» mamandyǵy boıynsha Abaı atyndaǵy pedagogıkalyq ýchılışesin bitirip, 1995 jyly pedagogıkalyq ınstıtýtta «Tárbıeshi. Mektepke deıingi pedagogıka jáne psıhologııa oqytýshysy» mamandyǵyn támamdaǵan.
2004 jyly - «Jalpy pedagogıka, pedagogıka jáne bilim berý tarıhy, etnopedagogıka» mamandyǵy boıynsha Abaı atyndaǵy Qazaq ulttyq pedagogıkalyq ýnıversıtetinde aspırantýra bitirgen. 2007 jyly M.Dýlatı atyndaǵy Taraz memlekettik ýnıversıtetinde «Quqyqtaný» mamandyǵyn meńgergen.
Eńbek jolyn M.Dýlatı TarMÝ oqý bóliminiń mamany bolyp bastady.
2000 jyldan 2006 jylǵa deıin M.Dýlatı atyndaǵy TarMÝ «Psıhologııa» kafedrasynyń aǵa oqytýshysy, dotsenti.
2007 jyldan 2010 jylǵa deıin L.Gýmılev atyndaǵy Eýrazııa ulttyq ýnıversıtetiniń «Pedagogıka» kafedrasynyń dotsenti.
2010 jyldan 2012 jylǵa deıin QR Bilim jáne ǵylym mınıstrliginiń Bilim sapasyn baǵalaýdyń ulttyq ortalyǵy «Bilim berýdiń strategııalyq menedjmenti» ınstıtýtynyń dırektory.
2012 jyldan 2014 jylǵa deıin QR Bilim jáne ǵylym mınıstrliginiń Bilim berý statıstıkasy jáne bilim sapasyn baǵalaý ulttyq ortalyǵy dırektorynyń ǵylymı-ádistemelik jumys jónindegi orynbasary boldy.
2014 jyldan 2022 jylǵa deıin Jambyl oblysy, Astana qalasy, Almaty oblysy boıynsha pedagogıkalyq qyzmetkerlerdiń «Órleý» biliktilikti arttyrý ulttyq ortalyǵy AQ fılıaldaryn basqardy.
2022 jyldan búginge deıin Bilim berýdi damytýdyń memlekettik emes ǵylymı-praktıkalyq ortalyǵynyń dırektory qyzmetin atqaryp keldi.