Gúlshara Ábdiqalyqova jumys saparymen Birikken Arab Ámirlikterine bardy
Sapar aıasynda Memlekettik hatshy Birikken Arab Ámirlikteri Іsker áıelder keńesiniń prezıdenti Farıda ál-Aýadıdiń shaqyrýymen Qazaqstan jáne Birikken Arab Ámirlikteri Іsker áıelderi bıznes-forýmyna qatysty. Jıynǵa memlekettik organdardyń, «Atameken» ulttyq kásipkerler palatasynyń, Birikken Arab Ámirlikteri Іsker áıelder keńesiniń jáne basqa da kásipker áıelder qoǵamdastyǵynyń ókilderi qatysty.
Gúlshara Ábdiqalyqova óz sózinde Prezıdent Nursultan Nazarbaev pen sheıh Zaıd ben Sultan Nahaıan ornatqan dostyq baılanystar Qazaqstan Respýblıkasy men Birikken Arab Ámirlikteriniń arasyn jaqyndatyp otyrǵanyn atap ótti.
- Biz ekonomıkada teń quqyqtar men múmkindikterdi qamtamasyz etý isinde aıtarlyqtaı ilgeriledik. 2018 jyly Qazaqstan Dúnıejúzilik ekonomıkalyq forýmnyń baǵalaýy boıynsha «áıelderdiń ekonomıkaǵa atsalysýy jáne múmkindikteri» kórsetkishi jóninen 32-shi oryndy ıelendi. Bizge tsıfrlandyrý isine basa nazar aýdara otyryp, bıznes-qoǵamdastyqtardyń ekonomıka, saýda, tehnologııa jáne ózge de salalardaǵy yntymaqtastyǵyn tereńdetý qajet, - dedi Memlekettik hatshy.
G.Ábdiqalyqova ekonomıkalyq ilgerileýdiń Jastar jylynyń basymdyqtarynyń biri retinde belgilengenin aıtty. Búginde qyzdar bıznespen belsene aınalysyp, kreatıvti startaptar ázirleýde. Jastar jyly aıasynda 11 baǵyt boıynsha 100-den astam joba júzege asyrylatyn bolady.
Forým aıasynda Memlekettik hatshy Gúlshara Ábdiqalyqova BAÁ Іsker áıelder keńesiniń prezıdenti Farıda ál-Aýadımen kezdesti. Áńgimelesý barysynda áıelderdiń múmkindikterin odan ári keńeıtý, sonymen qatar áıelder kásipkerligi ınstıtýtyn nyǵaıtý máseleleri talqylandy.
Sonymen qatar, Memlekettik hatshy BAÁ Federaldy ulttyq keńesiniń tóraıymy Amal ál-Kýbeısımen kezdesti. Kezdesý barysynda áleýmettik-ekonomıkalyq jáne mádenı-gýmanıtarlyq yqpaldastyq máseleleri qaraldy. Qazaqstannyń da Ámirlikter sııaqty Taıaý Shyǵysta bárine ortaq ádiletti ári berik beıbitshiliktiń tezirek ornaýyna múddeli ekeni aıtyldy. Taraptar ekijaqty yntymaqtastyq aıasynda Astana men Abý-Dabı ózara tyǵyz qarym-qatynastardy jalǵastyra beretinin rızashylyqpen atap ótti.