Gúlshara Ábdiqalyqova: Uly ult ekenimizdi maqtan etýimiz kerek

ASTANA. QazAqparat -  Biz birtutas ári uly ult bolyp tabylatynymyzdy maqtan etýimiz kerek, dep málimdedi QR Memlekettik hatshysy Gúlshara Ábdiqalyqova «Kazahstanskaıa pravda» gazetinde jaryq kórgen «Rýhanı jańarý - Qazaqstannyń Úshinshi jańǵyrýynyń basymdyǵy»  atty óz maqalasynda.

«Jańa zaman jaǵdaıynda qoǵamdyq sanany jańǵyrtý ózgerister men jańarýǵa daıyndyq pen umtylysty talap etedi. Biz kóz ilespes dınamızmniń qarqyndy ýaqytynda ómir súrýdemiz. Álemge áıgili menedjment ustazy - amerıkalyq ekonomıst Djon Kotter ótken ǵasyrdyń 90-jyldary-aq óziniń «Vperedı peremen» atyshýly bestsellerinde básekelesterden alda bolý úshin jańarýlardy aldyn ala bilip, boljap, basqarý qajet degen tujyrymǵa kelgen. Atalǵan tezıs bizdiń zamanda da ózektiligin joıǵan joq», - dep atap ótti Gúlshara Ábdiqalyqova.

QR Memlekettik hatshysynyń pikirinshe, Qazaqstan Prezıdenti Nursultan Nazarbaev «Bolashaqqa baǵdar: rýhanı jańǵyrý» baǵdarlamalyq maqalasynda elimiz aıaq basqan jańa tarıhı kezeńge tán qaýip-qaterlerge jan-jaqty baǵa bere otyryp, rýhanı jańǵyrý arqyly bolashaqqa tereń baǵdar jasady.

«Sondyqtan, Memleket basshysy aıtqandaı, eldiń árbir azamaty, jalpy qoǵam, saıası partııalar men qozǵalystar, barlyq memlekettik organdar óz jumystaryna baǵa berýi tıis: qazirgi jaǵdaıǵa saraptama jasap, qazir qaıta turǵandaryn anyqtaý qajet, realızm men pragmatızm negizinde qoǵamdyq sanany jańartýǵa qatysý úshin barlyǵymyzǵa jáne árqaısymyzǵa ne isteý kerektigin túsinip alý qajet. Biz birtutas ári uly ult ekenimizdi maqtan etýimiz kerek. Bizdiń bir ǵana jolymyz bar: jańǵyrý arqyly jarqyn bolashaqqa!», - dedi G.Ábdiqalyqova.