Gúlshara Ábdiqalyqova Túrkııadaǵy qazaqstandyq stýdenttermen kezdesti
Memlekettik hatshy Túrkııa Respýblıkasyna jumys sapary barysynda qazaq dıasporasy jáne qazaqstandyq stýdentter qoǵamdastyǵy ókilderimen kezdesti. Túrkııadaǵy qazaq dıasporasy ótken ǵasyrdyń elýinshi jyldary qalyptasa bastady. Búginde oǵan 10 myńǵa jýyq adam múshe.
Kezdesý Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty joldaýynyń basty erejelerin talqylaýǵa arnaldy.
Memlekettik hatshy búginde Qazaqstan Respýblıkasynyń tabysty ári zamanaýı memleketke aınalǵanyn atap ótti. Bul - Nursultan Nazarbaevtyń halyqtyń ál-aýqatyn jan-jaqty arttyrýǵa baǵyttalǵan strategııalyq baǵdaryn iske asyrý nátıjesinde múmkin bolǵan jetistik. 2017 jyldyń qorytyndysy boıynsha ІJÓ ósimi - 4 paıyzdy, ınflıatsııa deńgeıi - 7,1 paıyzdy, jumyssyzdyq deńgeıi - 5 paıyzdy qurady.
Gúlshara Ábdiqalyqova byltyrdan beri ekonomıkanyń jańa modelin qalyptastyrýǵa, saıası reforma júrgizýge jáne qoǵamdyq sanany jańartýǵa baǵyttalǵan eldiń Úshinshi jańǵyrýy júzege asyrylyp jatqanyn aıtty. Jańǵyrý úderisteriniń ózegi «Rýhanı jańǵyrý» jobasy bolyp sanalady.
G.Ábdiqalyqova joldaýda Memleket basshysynyń Indýstrııa - 4.0 elementterin engizýge basa mán bergenine nazar aýdardy. Sondyqtan birinshi basymdyq jańa tehnologııalyq qurylymǵa qol jetkizýge negizdelgen ekonomıkalyq ósimdi qamtamasyz etýge baǵyttalǵan.
Joldaýda jańǵyrýdyń negizi retinde adam kapıtalynyń mańyzy erekshe atap ótilgen. Búkil halqymyzdy qamtıtyn ózimizdiń bilim berý júıesin qalyptastyrýdy jedeldetý mindeti qoıyldy. Bul rette árdaıym ózgeristerge beıim bolý jáne jańa bilimdi meńgerý qabiletin damytý negizgi basymdyqqa aınalmaq.
Qazaqstan qoǵamynyń ıdealy aıqyndaldy, ol - óziniń tarıhyn, tilin, mádenıetin biletin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qazaqstandyq.
Memlekettik hatshy joldaýda qoıylǵan basty mindetti atap ótti. Ol: «Biz jańa zamanǵa saı bolý úshin Tórtinshi ónerkásiptik revolıýtsııa jaǵdaıyndaǵy tarıhı órleý bastaýynda turǵan birtutas ult bolýymyz kerek».
Sońynda Gúlshara Ábdiqalyqova kezdesýge qatysýshylardy tarıhı otanymen baılanysty nyǵaıta berýge, ózderiniń paıdaly eńbegi men úzdik bilimi arqyly Qazaqstannyń damýyna, jahandyq qoǵamdastyqtyń mańyzdy ári jaýapty múshesi retindegi elimizdiń halyqaralyq bedelin arttyra túsýge óz úlesterin qosýǵa shaqyrdy.