Gúlshara Ábdiqalyqova Parlamentarıılerdiń azııalyq forýmynyń tóraǵasymen kezdesti
Kezdesýge Parlament Májilisi tóraǵasynyń orynbasary Gúlmıra Isimbaeva qatysty.
Memlekettik hatshy bıyl Qazaqstan men Japonııa arasynda dıplomatııalyq baılanys ornaǵanyna 25 jyl tolǵanyn atap ótti. Gúlshara Ábdiqalyqova elderimiz arasyndaǵy qatynastardyń strategııalyq sıpatyna toqtalyp, eki el basshylarynyń turaqty kezdesýleri sonyń dáleli ekenin aıtty.
Gúlshara Ábdiqalyqova Keıdzo Takemıdiń Qazaqstan men Japonııa arasyndaǵy parlamentaralyq baılanysty damytýǵa zor úles qosqanyn atap ótti. Halyqtyń qonystanýy jáne damýy jónindegi parlamentarıılerdiń Azııalyq forýmy parlamentarııler arasyndaǵy dıalogty damytýǵa, halyqtyń qonystanýy men damýy jóninde tájirıbe almasýǵa, sondaı-aq reprodýktıvti turǵydaǵy densaýlyq saqtaýdyń jalpy strategııasyn ázirleý men áıelderdiń quqyqtaryn qorǵaýǵa arnalǵan mańyzdy basqosý bolyp sanalady.
Memlekettik hatshy Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynda belgilengendeı, bizdiń elimiz áıelderdiń quqyqtary men múmkindikterin keńeıtý salasynda dáıekti saıasat júrgizip otyrǵanyn aıtty.
- Áleýmettik-ekonomıkalyq jetistikterimizdiń jáne damýdyń jańa sapaly deńgeıine shyǵýymyzdyń arqasynda Qazaqstan búginde damýǵa qol ushyn berý máselelerin qaıta qarap, kómekke asa muqtaj elderge, sonyń ishinde Aýǵanstan men Azııa-Tynyq muhıty aımaǵy memleketteriniń damýyna beriletin járdemdi arttyrý múmkindigin qarastyrýda. Osyǵan oraı, BUU-nyń Damý baǵdarlamasymen jáne Japonııanyń syrtqy ister mınıstrligimen birlesip, «Damý úshin resmı kómek kórsetý salasy boıynsha Aýǵanstanmen yntymaqtastyq máselesine oraı Qazaqstanǵa járdemdesý» atty jobalyq qujat ázirlendi, - dedi Memlekettik hatshy.
Gúlshara Ábdiqalyqova Qazaqstannyń alǵash ret 2017-2018 jyldarǵa BUU Qaýipsizdik Keńesiniń turaqty emes múshesi retinde qyzmetke kiriskenin jáne Qazaqstan men Japonııanyń BUU Qaýipsizdik Keńesiniń qyzmetine bıyl bir mezgilde atsalysýy eki eldiń seriktestik qatynastaryn damytý úshin qosymsha múmkindikter beretinin atap ótti.
Kezdesý sońynda Memlekettik hatshy Gúlshara Ábdiqalyqova Halyqtyń qonystanýy jáne damýy jónindegi parlamentarıılerdiń Azııalyq forýmynyń tóraǵasy Keıdzo Takemıge bizdiń eldegi saparynyń tabysty bolýyna tilektes ekenin aıtyp, Qazaqstan men Japonııa arasyndaǵy baılanystyń odan ári nyǵaıa túsetinine senim bildirdi.