Gúlshara Ábdiqalyqova «Otandastar» qory qamqorshylar keńesiniń otyrysyna qatysty

ASTANA. QazAqparat - Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen «Otandastar» qory Qamqorshylar keńesiniń otyrysy ótti, dep habarlaıdy QazAqparat Aqordanyń baspasóz qyzmetine silteme jasap. 

Jıynǵa Senat tóraǵasynyń orynbasary B.Beknazarov, Májilis tóraǵasynyń orynbasary V.Bojko, Qoǵamdyq damý mınıstri D.Káletaev, Qordyń prezıdenti N.Ábiqaev, Dúnıejúzi qazaqtary qaýymdastyǵy tóraǵasynyń birinshi orynbasary Z.Turysbekov, memleket jáne qoǵam qaıratkerleri, sondaı-aq Qazaqstan bıznesiniń ókilderi qatysty.

«Otandastar» qory Memleket basshysynyń 2017 jylǵy maýsymda ótken Dúnıejúzi qazaqtarynyń V quryltaıyndaǵy bastamasy boıynsha qurylǵan.

Qor qyzmeti shet elderde ómir súrip jatqan otandastardy, sondaı-aq Qazaqstanǵa qaıtyp kelgen etnıkalyq qazaqtardy qoldaýǵa arnalǵan.

Qamqorshylar keńesi otyrysynda «Otandastar» qorynyń mindetteri, qyzmeti men damý josparlary, sondaı-aq qordyń qazirgi jumystaryna qatysty basqa da máseleler qaraldy.